پاک سرزمین پارٹی کے چئیرمین مصطفی کمال نےکہا ہے کہ دنیا چاند پر جارہی ہے ہمارا کچرا نہیں اٹھ رہا۔

تفصیلات کے مطابق پاک سرزمین پارٹی کے چئیرمین مصطفی کمال نے حیدرآباد میں جنرل ورکرز اجلاس سے خطاب کرتے ہوئے کہا کہ صفائی مہم ہفتے کا ماہ کی نہیں ہوسکتی صفائی ہمیشہ ہونی ہے۔

مصطفی کمال کا کہنا تھا کہ وسیم اختر کا ارادہ تھا کہ مصطفی کمال بھاگ جائیگا اسلئے انھوں نے ہمیں رسوا کرنے کے لیے ایک آرڈر نکالا۔

مصطفی کمال کا یہ بھی کہنا تھا کہ مئیر وسیم اختر نے آفس جائے بغیر مجھے سسپنڈ کرنے کا آرڈر نکالا اس کو اپنا کردار پتہ ہے اور میرا بھی جب ہی اس نے میرا سامنا نہیں کیا۔

پاک سرزمین پارٹی کے چئیرمین مصطفی کمال نے اپنے خطاب میں کہا کہ ظالم اور ان کے ساتھ کھڑے ہونے والوں کو بھی حساب دینا ہوگا۔

مصطفی کمال نے کہا کہ ہم آئین میں ایسی ترمیم چاہتے ہیں کہ اٹھارویں ترمیم کے ذریعے اختیارات نچلی سطح تک ملیں اور میں اٹھارویں ترمیم کے لیے پریس کانفرنس کرونگا۔

مصطفی کمال نے یہ بھی کہا کہ کسی بھی جیت کے لیے کامیابی پر ایمان ہونا لازم ہے ، ہمارے ذہنوں میں بھی کبھی یہ بات آجاتی ہے کہ ہم کیسے جیتےگیں۔

پاک سرزمین پارٹی کے چئیرمین کا کہنا تھا کہ مجھے الیکشن کی جیت کی کوئی ٹینشن نہیں ، لوگوں کے پاس پی ایس پی کے علاوہ کوئی اور آپشن نہیں تھا۔

پاک سرزمین پارٹی کےچئیرمین مصطفی کمال کا مزید کہنا تھا کہ ہر طرف مسئلے مسائل اور تباہی کی ناختم ہونے والی داستان ہے،میرا آج تباہ ہوگیا اور آنے والا کل مزید برباد ہوتا ہوا دیکھ رہا ہوں اور اگر اس ملک کو چلانے والے اگر حالات کو بہتر کرنے کے لیے کام کررہے ہے تو میں ان مشکل کو برداشت کرتا ہوں۔