صدر مملکت عارف علوی نے کہا ہے کہ ڈیوک آف ایڈنبرا پرنس فلپ کی وفات پر بہت رنج ہوا ہے۔

تفصیلات کے مطابق صدر مملکت عارف علوی نے سماجی رابطے کی ویب سایٹ ٹوئٹر پر اپنے ایک پیغام میں کہا کہ ڈیوک آف ایڈنبرا پرنس کی وفات سے پاکستان نے ایک مخلص دوست کهو دیا ہے۔

ڈیوک آف ایڈنبرا پرنس فلپ کی وفات پر بہت رنج ہوا۔ اُن کی وفات سے پاکستان نے ایک مخلص دوست کهو دیا۔ دکھ کی اِس گھڑی میں ہماری نیک تمنائیں اور دعائیں ملکہ عالیہ، شاہی خاندان اور برطانوی عوام کے ساتھ ہیں۔

Advertisement

— The President of Pakistan (@PresOfPakistan) April 9, 2021

صدر مملکت عارف علوی نے مزید کہا کہ  دکھ کی اِس گھڑی میں ہماری نیک تمنائیں اور دعائیں ملکہ عالیہ ، شاہی خاندان اور برطانوی عوام کے ساتھ ہیں۔

یاد رہے کہ آج صبح برطانیہ کے شہزادہ فلپ 99 سال کی عمر میں انتقال کرگئے۔

شہزادہ فلپ کی موت کا اعلان شاہی خاندان کے آفیشل ٹوئٹر اکاؤنٹ سے شیئر کی گئی ٹویٹ میں کیا گیا تھا۔

ٹویٹ میں کہا گیا تھا کہ انتہائی دکھ کے ساتھ ہم یہ اعلان کرتے ہیں کہ ملکہ برطانیہ کے شوہر، شہزادہ فلپ، ڈیوک آف ایڈنبرا نہیں رہے۔

شہزادہ فلپ بیماری اور عمر کی زیادتی کے باعث اگست 2017 میں شاہی ذمہ داریوں سے دستبردار ہو گئے تھے۔