حکمرانوں نے سیاست کو کاروبار بنایا ہوا ہے ، سراج الحق

کلثوم ہرا

10th Apr, 2021. 10:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکمرانوں نے سیاست کو کاروبار بنایا ہوا ہے ، سراج الحق

امیر جماعت اسلامی سراج الحق نے کہا ہے کہ حکمرانوں نے سیاست کو کاروبار بنایا ہوا ہے۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ پی ٹی آئی کی حکومت سے بہتری کی کوئی توقع نہیں ہے۔

سراج الحق نے کہا کہ مافیاز کا راج ہے جو فیصلہ سازی میں اہم کردار ادا کرتے ہیں۔

امیر جماعت اسلامی کا کہنا ہے کہ دولت کے پجاریوں نے عوام کی امیدوں اور ارمانوں کا خون کر دیا ہے ،ملک آگے کی بجائے پیچھے کی جانب جارہا ہے۔

سراج الحق نے کہا کہ پاکستان ان چار بڑے ممالک میں شامل ہے جو آئی ایم ایف سے زیادہ قرضہ لیتے ہیں، اب تک لئے گئے قرض کا آڈٹ ہونا چاہئیے۔

انہوں نے یہ بھی کہا کہ جن سرمایہ داروں اور وڈیروں نے قرضے معاف کروائے ، ان کا حساب ہونا چاہئیے۔

امیر جماعت اسلامی سراج الحق نے مزید کہا کہ پاکستان کے عوام کی خواہش ہے کہ انہیں اسلامی نظام ملے اور پاکستان کو عظیم مملکت بنانے کے لیے ہماری جدوجہد ضرور کامیاب ہوگی۔