اس سال پاکستان کے مختلف شہروں میں کتنے گھنٹے کا روزہ ہو گا؟

اریبہ نثار

13th Apr, 2021. 09:50 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اس سال پاکستان کے مختلف شہروں میں کتنے گھنٹے کا روزہ ہو گا؟

پاکستان میں رمضان کا آغاز کل بروز بدھ سے ہورہا ہے اور ملک میں روزے کا دورانیہ 14 گھنٹے سے زائد ہوگا۔

تفصیلات کے مطابق ملک بھر میں رمضان المبارک کا آغاز کل سے ہورہا ہے، اس حوالے سے جاری ایک رپورٹ میں تفصیلات دی گئی ہیں کہ پاکستان میں روزہ کتنے گھنٹے کا ہوگا اور دنیا کے دیگر ممالک میں روزے کتنے گھنٹے کے ہوں گے۔

رپورٹ کے مطابق دنیا میں سب سے لمبا روزہ فن لینڈ میں 23 گھنٹے 5 منٹ کا ہوگا پھر سوئیڈان، ناروے اور روس میں 20 گھنٹے 45 منٹ کا روزہ ہوگا۔

اس کے بعد گرین لینڈ کے شہر نوک میں 19 گھنٹے 57 سیکینڈ کا ہوگا۔

جبکہ آئس لینڈ کے دارالحکومت ریکجوک میں روزہ 19 گھنٹے 56 منٹ طویل ہوگا۔

اسی طرح سب سے چھوٹا روزہ نیوزی لینڈ کے شہر کرائسٹ چرچ میں 11 گھنٹے 20 منٹ کا ہوگا۔

دوسری جانب عرب و خلیجی ممالک میں روزے کا دورانیہ 13 سے 16 گھنٹےکا ہوگا۔

مکہ مکرمہ میں 13 گھنٹے51 منٹ اور آخری ایام میں روزے 14 گھنٹے7 منٹ ہوں گے۔

اسی طرح ریاض میں رمضان کے ابتدائی دنوں میں روزے 14 گھنٹے اور آخری دنوں میں روزے 14 گھنٹے 42 منٹ پر محیط ہوں گے۔