کراچی میں ایک بار پھر میں تیز ہوائوں کے ساتھ  بارشوں کا سلسلہ گرج چمک کے ساتھ جاری ہے۔

تفصیلات کے مطابق کراچی کے مختلف علاقوں میں صبح سویرے تیز ہواؤں کے ساتھ ہونے والی بارش سے موسم خوشگوار ہوگیا، ٹھنڈی ہواؤں سے شہریوں کے چہرے کھل اٹھے اور شہری گھروں سے باہر نکل آئے۔

شہر قائد کے مختلف علاقوں سپرہائی وے،گڈاپ ،سہراب گوٹھ ، سرجانی اور منگھوپیر کے بعض مقامات پر کہیں تیز اور کہیں ہلکی بارش ہوئی جبکہ ٹھنڈی ہوا اور کالے بادلوں نے چلچلاتی گرمی کی جگہ لے لی۔

بارش کے باعث موسم خوشگوار ہوگیا جبکہ کئی علاقوں میں بجلی کی فراہمی معطل کر دی گئی۔

محکمہ موسمیات کا کہنا ہے کہ بحیرہ عرب کے شمال مشرق میں ہوا کی گردش کے باعث بننے والے سسٹم سے کراچی سمیت زیریں سندھ میں کہیں کہیں گرج چمک کے ساتھ ہلکی اور معتدل بارش کا امکان ہے۔

واضح رہےکہ محکمہ موسمیات نے شہرقائد میں منگل تک ہیٹ ویوکی پیشگوئی کی ہوئی ہےجبکہ حیدرآباداورسکھرمیں گرمی کی شدید لہربرقراررہےگی تاہم سمندری ہوائیں بحال ہونےکے بعد گرمی کی شدت میں واضح کمی ہوگی۔

محکمہ موسمیات کاکہناہےکہ گرمی کی لہر برقراررہنے تک مطلع صاف ہونےاور سورج کی تپش براہ راست زمین پرپڑنےکے باعث حرارت شدت سے محسوس کی جائے گی۔ شدید گرمی کے پیش نظرحفاظتی الرٹ جاری کیا گیا ہے جس میں شہریوں کوہلکےسوتی کپڑے پہنے اورہیٹ اسٹروک سے بچنے کیلئےپانی کا استعمال زیادہ سے زیادہ کرنےکی ہدایت جاری کی گئی ہے۔