اسپیکر قومی اسمبلی اسد قیصر نے  گورنر پنجاب چوہدری محمد سرور سے ملاقات  کی ہے۔

ملاقات میں ملک کی مجموعی سیاسی صورتحال سمیت مغرب میں مسلمانوں کے مذہبی جذبات کو مجروح کرنے کے واقعات پر تفصیلی تبادلہ خیال کیا گیا ہے۔

 اسد قیصر نے کہا کہ اظہار رائے کی آزادی کی آڑ میں توہین رسالت اور کسی کے مذہبی جزبات کو مجروح کرنے کی کوشش ناقابلِ قبول ہے ،مسلمانوں کے مذہبی جذبات کو مجروح کرنے سے مذاہب کو قریب  لانے کی بجائے مزید دور کیا جا رہا ہے۔

اسپیکر اسد قیصر نے عالمی پارلیمنٹس کے اسپیکرز کو خطوط لکھنے کا فیصلہ بھی کر لیا ہے۔

اسد قیصر کا کہنا تھا کہ عالمی اسپیکرز / پریذائیڈنگ افسران کو خط لکھنے کا مقصد مسلمانوں کے مذہبی جذبات کی گستاخی سے آگاہ کرنا ہے۔

 اسد قیصر نے یہ بھی کہا کہ یورپ ہولو کاسٹ کے بارے میں خاصہ حساس ہے، جبکہ اسی وقت نبیﷺ کے خلاف توہین آمیز باتوں سے مسلمانوں کے جذبات کو ٹھیس پہنچا ہے۔

 چوہدری محمد سرور نے کہا کہ بطور برطانوی پارلیمنٹ کے ممبر کی حیثیت سے مسلم ارکان پارلیمنٹ کا نیٹ ورک بنایا ہوا تھا۔

اس نیٹ ورک کو فعال کر کے برطانوی پارلیمنٹ میں اس مسئلے کو اٹھانے کے لئے کردار ادا کروں گا۔

ملاقات میں وزیر برائے بین صوبائی رابطہ ڈاکٹر فہمیدہ مرزا بھی موجود تھی۔