پیپلزپارٹی کی رہنماء فریال تالپور نے کہا ہے کہ پیپلزپارٹی اور کشمیریوں کا رشتہ اٹوٹ ہے۔
تفصیلات کے مطابق پیپلزپارٹی کی رہنماء فریال تالپور کی زیر صدارت پیپلزپارٹی کے پارلیمانی بورڈ کا اجلاس ہوا۔
فریال تالپور نے کہا کہ افسوس یہ ہے کہ مقبوضہ کشمیر میں ظلم ہوتا رہا لیکن کٹھ پتلی وزیر اعظم خاموش رہے۔
پیپلزپارٹی کی رہنماء کا کہنا تھا کہ پیپلزپارٹی اور کشمیریوں کا رشتہ اٹوٹ ہے، آصف علی زرداری صدر ہوتے تو مودی کشمیر میں ظلم کرنے کا سوچتے بھی نہیں۔
فریال تالپور کا یہ بھی کہنا تھا کہ عمران خان کی مودی سے ملاقات کے جنون کی سزا کشمیریوں کو ملی ، کشمیر کے سلسلے میں قوم ایک صفحہ پر تھی عمران خان نے انتشار پھیلایا۔
Advertisement
پیپلزپارٹی کی رہنماء فریال تالپور کا مزید کہنا تھا کہ چیئرمین بلاول بھٹو کشمیری عوام کو مایوس نہیں کرینگے۔
پارلیمانی بورڈ کے اجلاس میں شعبہ خواتین کی مرکزی صدر فریال تالپور نے ویڈیو لنک کے ذریعے شرکت کی جبکہ اجلاس میں سید نیر بخاری ،قمر زمان کائرہ، چودھری لطیف اکبر اور دیگر نے بھی شرکت کی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
