بھارتی ٹیلی وژن انڈسٹری کے معروف اداکار انیرودھ دیو کو انتہائی نگہداشت وارڈ منتقل کردیا گیا ہے۔

غیر ملکی خبر رساں ادارے کے مطابق اداکارہ آستھا چوہدری نے اپنے دوست انیرودھ دیو کے آئی سی یو میں منتقل ہونے کی اطلاع دی ہے۔

آستھا چوہدری نے اپنی انسٹاگرام اسٹوری میں جاری کیے گئے پیغام میں کہا کہ ہمارے دوست انیرودھ دیو کو دُعاؤں کی بہت ضرورت ہے۔

اداکارہ نے کہا کہ طبیعت ناساز ہونے کی وجہ سے انیرودھ دیو کو انتہائی نگہداشت وارڈ (آئی سی یو) منتقل کردیا ہے جہاں اُن کا علاج جاری ہے۔

اُنہوں نے کی اور کہا کہ اپنی مصروفیت سے تھوڑا وقت نکال کر ہمارے دوست کی جلد صحتیابی کے لیے دُعا کریں۔

دوسری جانب انیرودھ دیو کے دوست اجے سنگھ چوہدری نے بتایا کہ بھوپال میں اداکار کا علاج جاری ہے۔

اجے سنگھ چوہدری نے مزید بتایا کہ  انیرودھ دیو کو سانس لینے میں کافی دشواری محسوس ہورہی تھی اور اسی وجہ سے اُنہیں آئی سی یو منتقل کیا گیا۔‘

اجے سنگھ چوہدری نے کہا کہ ’اب انیرودھ دیو کی طبیعت میں آہستہ آہستہ بہتری آرہی ہے لیکن مکمل طور پر صحتیاب ہونے میں وقت لگے گا۔‘

واضح رہے کہ انیرودھ دیو جب بھوپال میں ایک ویب سیریز کی شوٹنگ کررہے تھے تو اُنہی دنوں اُن کا کورونا وائرس ٹیسٹ مثبت آیا تھا جس کی اطلاع اداکار نے اپنے سوشل میڈیا پیغام کے ذریعے دی تھی۔