وزیراعلیٰ سندھ سید مراد علی شاہ نے کہا ہے کہ آج کورونا کے باعث مزید 11 مریض انتقال کر گئے ہیں۔

تفصیلات کے مطابق وزیراعلیٰ سندھ سید مراد علی شاہ نے کورونا وائرس کی صورتحال پر بیان کرتے ہوئے کہا کہ گزشتہ 24 گھنٹوں کے دوران 895 نئے کیسز سامنے آئے ہیں۔

مراد علی شاہ نے کہا کہ گزشتہ 24 گھنٹوں میں کورونا کے مزید 12696 نمونے ٹیسٹ کیے گئے ہیں جبکہ سندھ میں اب تک کورونا کے 3680680 ٹیسٹ کیے جا چکے ہیں۔

انہوں نے کہا کہ آج کورونا سے مزید 500 مریض صحتیاب ہوئے ہیں جبکہ اب تک کے بعد صوبے میں  26577 مریض صحتیاب ہوچکے ہیں۔

سید مراد علی شاہ نے یہ بھی کہا کہ صوبے بھر میں کورونا کے باعث انتقال کرنے والوں کی تعداد 4678 ہوگئی ہے جبکہ اس وقت 16066 مریض زیر علاج ہیں۔

سید مراد علی شاہ کا کہنا تھا کہ 15430  مریض گھروں اور 5 مریض آئسولیشن سینٹرز پر زیرعلاج  ہیں جبکہ مختلف اسپتالوں میں 631 مریض زیرعلاج ہیں۔

سید مراد علی شاہ نے کہا کہ کورونا سے متاثرہ 592 مریضوں کی حالت تشویشناک بتائی جا رہی ہے جبکہ اس وقت کورونا کے 53 مریض وینٹیلیٹرز پر ہیں۔

سید مراد علی شاہ کا مزید کہنا تھا کہ صوبے بھر کے 895 کورونا کیسز میں 426 نئے کیسز کا تعلق کراچی سے ہے جبکہ ضلع شرقی میں 221، ملیر میں 64 ، ضلع وسطی میں 63 ،ضلع جنوبی میں 60، کورنگی میں 12 ، حیدرآباد میں 146، جامشورو میں 45، لاڑکانہ میں 43 ،نوشہرو فیروز میں 41، کشمور میں 38 اور میرپورخاص میں 36 نئے کیسز رپورٹ ہوئ  ہیں۔

اس کے علاوہ خیرپور میں 24، دادو سانگھڑ میں 14، مٹیاری میں 13، سکھر اور نوابشاہ میں 9-9 ،بدین میں 3، شکارپور ، جیکب آباد میں 2-2 اور عمرکوٹ میں ایک  نیا کیس رپورٹ ہوا ہے۔