عیدالفطر کا چاند دیکھنے کے لیے مرکزی رویت ہلال کمیٹی کا اجلاس شروع ہوگیا۔

مرکزی رویت ہلال کمیٹی پاکستان کے چیئرمین مولانا سید محمد عبدالخیر آزاد کا کہنا ہے کہ مرکزی رویت ہلال کمیٹی کا اجلاس اسلام آباد میں جاری ہے، تمام زونل اور ضلعی کمیٹیوں کے اجلاس بھی اپنے اپنے مقامات پر جاری ہیں، اگر اللہ تعالی نے تیس روزے عطا کئے تو ضرور مکمل کئے جائیں گے۔

انہوں نے کہا کہ اگر پاکستان میں کہیں سے شہادت موصول ہوئی تو اسے بھی پرکھا جائے گا، میڈیا سے درخواست ہے کہ کمیٹی کے فیصلے کا انتظار کرے، میڈیا ایسی خبر نہ چلائے جس سے غلط فہمی اور بے چینی پھیلے۔

لاہور کی صوبائی رویت ہلال کمیٹی کو لاہور سے چاند نظر آنے کی کوئی شہادت  وصول نہیں ہوئی۔ چاند نظر آنے یا نہ آنے کا حتمی فیصلہ مرکزی رویت ہلال کمیٹی کرے گی۔

لاہور میں چاند نظر آنے کا وقت 7:28 منت تک کا تھا ۔

دوسری جانب ڈی جی اوقاف طاہر رضا بخاری کا کہنا ہے کہ  لاہور اور مضافات میں چاند کی کوئی رویت موصول نہیں  ہوئی۔ رواں رمضان المبارک میں 30 روزے مکمل ہوں گے، عید بروز جمعتہ المبارک ہوگی ۔

Moon sighted in Dasht, Turbat area of #Balochistan
Testimonials of Moon sighting given by individuals:
1. Irfan imam Durmohammad.
2. Imam Sahak.
3. Khalid
4. Maqbool
Contact nos.
03130222388
03162177388
03212235509

— Senator Kahuda Babar Baloch (@KahudaBabar) May 12, 2021

گوادر سے تعلق رکھنے والے سینیٹر کہدہ بابر نے چاند دیکھنے والے افراد کی تفصیلات سماجی رابطے کی ویب سائٹ ٹوئیٹر پر جاری کردی ہیں۔

سینیٹر کہدہ بابر کا کہنا ہے کہ بلوچستان کے علاقے دشت اور تربت میں  عید الفطر کا چاند دیکھا گیا ہے۔ عرفان امام،امام شہک،خالد اور مقبول نامی شہریوں نے چاند دیکھا ہے۔