صدر آزاد کشمیر سردار مسعود خان نے کہا ہے کہ ہماری حقیقی عید اُس دن ہوگی جب مقبوضہ کشمیر اور فلسطین آزاد ہوں گے۔
تفصیلات کے مطابق صدر آزاد کشمیر سردار مسعود خان نے اپنے ایک بیان میں کہا کہ تمام اہل وطن اور دنیا بھر کے مسلمانوں کو عید مبارک پیش کرتے ہیں۔
صدر آزاد کشمیر سردار نے کہا کہ عید الفطر کے بابرکت موقع پر مقبوضہ کشمیر اور فلسطین کی آزادی کے لئے خصوصی دعائیں مانگی جائیں جبکہ ملک میں کورونا وباء سے نجات کے لئے بھی خصوصی دعائیں کی جائیں۔
سردار مسعود خان نے یہ بھی کہا کہ مقبوضہ کشمیر اور فلسطین کےمسلمانوں پر ظلم و ستم نے عید کی خوشیاں ماند کردیں ہیں، ہماری حقیقی عید اُس دن ہوگی جب مقبوضہ کشمیر اور فلسطین آزاد ہوں گے۔
صدر آزاد کشمیر سردار مسعود خان نے مزید کہا کہ بیت المقدس پر حملے اور قبلہ اول کی بے حرمتی کی وجہ سے آج ہر آنکھ اشکبار اور ہر دل رنجیدہ ہے، ہم عہد کرتے ہیں عزم و حوصلے سے غاصب اور قابض قوتوں کو شکست دیں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
