چین سے کورونا ویکسین کی مزید دو کھیپ پاکستان پہنچ گئیں۔
ذرائع وزارت صحت کے مطابق چین سے کورونا ویکسین کی مزید دو کھیپ پاکستان پہنچی ہیں، چین سے کورونا ویکسین کی 11 لاکھ 95 ہزار ڈوز لائی گئی ہیں۔
ذرائع وزارت صحت کا کہنا ہے کہ کین سائینو ویکسین کی 1 لاکھ 95 ہزار ڈوز گزشتہ رات پہنچی ہیں جبکہ سائینو ویک ویکسین کی10 لاکھ ڈوز لے کر طیارہ اسلام آباد پہنچ گیا۔
ذرائع وزارت صحت کا مزید کہنا ہے کہ چین سے لائی گئی کورونا ویکسین حکومت نے چین سے خریدی ہیں۔
یاد رہے اس سے قبل کوویکس فیسیلیٹی کے تحت ایسٹرا زنیکا آکسفورڈ ویکسین کی بارہ لاکھ اڑتیس ہزار خوراکوں کی کھیپ پاکستان پہنچی تھی۔
Advertisement
اس ضمن میں ترجمان وزارت صحت کا کہنا تھا کہ حکومت کے منصوبے کے مطابق ویکسین کی آمد کا سلسلہ کامیابی سے جاری ہے۔
ترجمان کا کہنا تھا کہ کورونا کی برطانوی ویکسین ایسٹرا زینیکا کی پہلی کھیپ پاکستان پہنچ گئی ہے، ویکسین کی پہلی کھیپ میں 12 لاکھ 48 ہزار 400 خوراکیں شامل ہیں۔
ترجمان کا یہ بھی کہنا تھا کہ ایسٹرا زینیکا ویکسین کی پہلی کھیپ کوویکس سہولت کے تحت لائی گئی ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
