امت مسلمہ کو ظالم کے خلاف کھڑا ہونے کی ضرورت ہے ،سراج الحق

کلثوم ہرا

17th May, 2021. 09:58 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

امت مسلمہ کو ظالم کے خلاف کھڑا ہونے کی ضرورت ہے ،سراج الحق

امیر جماعت اسلامی سراج الحق نے کہا ہے کہ امت مسلمہ کو یک جان ہو کر ظالم کے خلاف کھڑا ہونے کی ضرورت ہے۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا کہ فلسطین میں وحشت و بربریت کا کھیل جاری ہے اور عالمی ضمیر خاموشی کی چادر تان کر سو رہا ہے۔

سراج الحق نے کہا کہ غزہ میں صیہونیوں کی ننگی جارحیت پر مسلمان حکمران زبانی جمع خرچ سے کام نہ لیں ،پاکستان کو آگے بڑھ کراپنا کردار ادا کرنا چاہئیے۔

انہوں نے یہ بھی کہا کہ امریکہ اور انڈیا کھل کر دہشت گرد اسرائیل کی حمایت کر رہے ہیں جبکہ مسلم ممالک کے حکمرانوں کو اپنے دوستوں اور دشمنوں کو پہچاننا چاہئیے۔

امیر جماعت اسلامی کا کہنا تھا کہ مسلمان او آئی سی کے پلیٹ فارم کو استعمال کرتے ہوئے ایک مشترکہ لائحہ عمل تیار کریں جس میں آپسی تنازعات کو ختم کیا جائے ، کشمیر اور فلسطین پر بھارت اور اسرائیل کو واضح پیغام دیا جائے۔

سراج الحق نے کہا کہ جماعت اسلامی 21 مئی کو فلسطینیوں سے اظہار یکجہتی کے لئے لاکھوں پاکستانیوں کو اکٹھا کرے گی۔

امیر جماعت اسلامی سراج الحق نے مزید کہا کہ عوام کورونا ایس او پیز پر عمل کرتے ہوئے ریلیوں میں شرکت یقینی بنائیں ۔