ملک میں پانی کا ذخیرہ 7 سے 8 روز کا رہ گیا، ارسا نے خبردار کردیا

تنویر علی

18th May, 2021. 10:18 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

ملک میں پانی کا ذخیرہ 7 سے 8 روز کا رہ گیا، ارسا نے خبردار کردیا

ملک بھر کے ڈیموں میں پانی کا ذخیرہ 7 سے 8 روز کا رہ گیا ہے۔

تفصیلات کے مطابق انڈس ریور سسٹم اتھارٹی (ارسا) کے ترجمان خالد رانا کا کہنا ہے کہ پانی کی دستیابی سے متعلق صورتحال 3 سے چار روز میں واضح ہوجائے گی، ابھی یہ بتانا قبل از وقت ہوگا کہ ملک میں پانی کی کتنی قلت آسکتی ہے، ڈیموں میں 10 لاکھ ایکڑ فٹ سے زیادہ پانی موجود ہے جو 7 سے 8 روز کیلئے کافی ہے۔

ان کا کہنا تھا کہ پانی کی دستیابی کا انحصار برف پگھلنے پرہے جبکہ اسکردو میں درجہ حرارت میں تبدیلیاں آرہی ہیں۔

دوسری جانب واٹر اینڈ پاور ڈویلپمنٹ اتھارٹی (واپڈا) کے مطابق تربیلا میں پانی کی آمد 56 ہزار 300 کیوسک اور اخراج 60 ہزارکیوسک ہے جبکہ منگلا میں پانی کی آمد 48 ہزار کیوسک اور اخراج 50 ہزارکیوسک ہے۔

ترجمان واپڈا کے مطابق چشمہ میں پانی کی آمد 97 ہزار500کیوسک اور اخراج 90 ہزارکیوسک ہے جبکہ ہیڈ مرالہ کے مقام پردریائے چناب میں پانی کی آمد 22 ہزار100کیوسک اور اخراج 5 ہزارکیوسک ہے۔