وزیراعلیٰ سندھ سندھ سیدمراد علی شاہ نے کہا ہے کہ گزشتہ 24 گھنٹوں میں مزید 2076 نئے کیسز رپورٹ ہوئے ہیں۔

تفصیلات کے مطابق وزیراعلیٰ سندھ سندھ سیدمراد علی شاہ نے کورونا وائرس کی صورتحال سے متعلق بیان میں کہا کہ گزشتہ 24 گھنٹوں میں 20421 نمونوں کی جانچ کی گئی ہے۔

وزیراعلیٰ سندھ نے کہا کہ گزشتہ 24 گھنٹوں میں 19 اموات رپورٹ ہوئی ہیں جبکہ اموات کی مجموعی تعداد 4854 ہوچکی ہے۔

انہوں نے کہا کہ آج مزید 611 مریض صحتیاب ہوئے ہیں جس کے بعد صحتیاب افراد کی مجموعی تعداد 278280 ہوچکی ہے۔

سیدمراد علی شاہ کا کہنا تھا کہ اب تک 3883951 نمونوں کی جانچ کی جاچکی ہے جبکہ اب تک 303306 کیسز رپورٹ ہو چکے ہیں۔

وزیراعلیٰ سندھ نے کہا کہ اس وقت 20172 مریض زیر علاج ہیں جبکہ19347  گھروں میں، 25 آئسولیشن سینٹرز میں اور 800 مریض مختلف اسپتالوں میں زیر علاج ہیں۔

انہوں نے یہ بھی کہا کہ 764 مریضوں کی حالت تشویشناک بتائی گئی ہے جبکہ 53  مریض وینٹیلیٹرز پر ہیں۔

وزیراعلیٰ سندھ سندھ سیدمراد علی شاہ نے مزید کہا کہ 2076 نئے کیسز میں سے 1260 کا تعلق کراچی سے ہے جبکہ ضلع شرقی 629 ،ضلع جنوبی 258،  ضلع وسطی 144 ،ملیر 109، کورنگی 95، ضلع غربی میں سے 25 ،حیدرآباد 252، سکھر 111، جامشورو 51، لاڑکانہ 44،  دادو 34، بدین 28، ٹھٹھہ اور عمرکوٹ 26۔26، میرپورخاص 21، مٹیاری 17، شکارپور 15، ٹنڈو محمد خان 13، کشمور 5 اور جیکب آباد میں سے 2 نئے کیسز رپورٹ ہوئے ہیں۔