گورنر پنجاب چودھری پرویزالٰہی نے کہا ہے کہ فلسطین کو مکمل طور پر اسرائیل کے ظلم و جبر سے نجات دلانے کی ضرورت ہے۔

تفصیلات کے مطابق گورنر پنجاب چودھری پرویزالٰہی نے چک سادہ روڈ گجرات میں نئی سڑک کے افتتاح کے موقع پر گفتگو کرتے ہوئے کہا کہ عوام کی خدمت کر کے جو سکون قلب حاصل ہوتا ہے بیان سے باہر ہے۔

پرویزالٰہی نے کہا کہ ہمیں جب بھی موقع ملا ہے عوام کے لئے فلاحی کام کیے ہیں۔

گورنر پنجاب کا کہنا تھا کہ سابقہ حکومت نے دس سال تک گجرات کو ترقیاتی فنڈز سے محروم رکھا ہے۔

انہوں نے یہ بھی کہا کہ مسجد اقصیٰ پر دوبارہ اسرائیلی حملہ اقوام متحدہ کی کوششوں کو سبوتاژ کرنے کی کوشش ہے۔

پرویزالٰہی نے کہا کہ عالم اسلام متحد ہو تو کسی غیر دینی طاقت کو امت مسلمہ پر حملہ کرنے کی ہمت نہ ہو۔

انہوں نے یہ بھی کہا کہ اسرائیلی حملوں پر صرف مذمت سے کام نہیں چلے گا بلکہ عملی اقدام اٹھانا ہو گا۔

گورنر پنجاب کا کہنا تھا کہ جہانگیر ترین گروپ کہیں نہیں جا رہا پہلے ہی کہا تھا کہ اسمبلی میں کھڑے ہوں گے تو پتہ چلے گا۔

پرویزالٰہی نے کہا کہ اسمبلی میں کھڑے ہونے والوں کے گرد ابھی بھی سوالیہ نشان موجود ہے اور اگر ان کے درمیان کوئی مسئلہ موجود ہے تو وہ اس طرح حل نہیں ہو گا۔

انہوں نے یہ بھی کہا کہ کورونا ابھی موجود ہے احتیاط کریں اور ان سے پوچھیں جن کے عزیز بچھڑ گئے ہیں۔

گورنر پنجاب چودھری پرویزالٰہی کا مزید کہنا تھا کہ عید کے بعد سے حالات کنٹرول میں ہیں اور آہستہ آہستہ زندگی معمول پر آ رہی ہے۔

اس موقع پر ارکان قومی اسمبلی ، حسین الٰہی، شجاعت نواز اجنالہ ایم پی اے اور خالد اصغر گھرال بھی موجود تھے۔