قیدیوں کو قانون کے مطابق سہولتیں فراہم کی جائیں ،عثمان بزدار

کلثوم ہرا

24th May, 2021. 06:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قیدیوں کو قانون کے مطابق سہولتیں فراہم کی جائیں ،عثمان بزدار

وزیراعلیٰ پنجاب سردار عثمان بزدار نے کہا ہے کہ قیدی بھی انسان ہیں، انہیں قانون کے مطابق سہولتیں فراہم کی جائیں۔

تفصیلات کے مطابق وزیراعلیٰ پنجاب سردار عثمان بزدار اچانک ڈسٹرکٹ جیل نارووال پہنچ گئے اور جیل کھلنے کا انتظار کیا۔

جیل عملہ وزیراعلیٰ کو دیکھ کر حیران ہو گئے ،جیل سپریٹنڈنٹ نے آکر دروازہ کھلوایا۔

عثمان بزدار نے مختلف بیرکوں کا دورہ بھی کیا اور بیرکوں میں جا کر قیدیوں سے بات چیت کی۔

وزیراعلیٰ کو دیکھ کر قیدی بھی حیران ہوگئے، انہوں نے قیدیوں سے کھانے، واش روم اور ٹھنڈے پانی کی فراہمی کے بارے میں دریافت کیا۔

عثمان بزدار نے قیدیوں کے لئے انتظامات مزید بہتر بنانے کا حکم دیا جبکہ بعض قیدیوں نے مقدمات میں تاخیر کے بارے میں وزیراعلیٰ کو آگاہ بھی کیا۔

وزیراعلیٰ نے اپنے اسٹاف کو قیدیوں کامسئلہ متعلقہ فورم پر پیش کرنے کے حوالے سے ہدایات دیں۔

انہوں نے کہا کہ میں آپ کے مسائل حل کرنے کے لئے آیا ہوں۔

وزیراعلیٰ عثمان بزدار نے قیدیوں سے درخواستیں لیں اور ان پر عملدرآمد کے لئے ضروری ہدایات بھی دیں۔

وزیراعلیٰ پنجاب سردار عثمان بزدار نے مزید کہا کہ آپ بلاخوف مجھے اپنے دل کی بات بتائیں ،آپ کا جو بھی جائز مسئلہ ہوا میں حل کروں گا۔