موجودہ حکومت کے پاس کشمیر کے لئے کوئی حکمت عملی نہیں، احسن اقبال

وریشہ مسعود

24th May, 2021. 10:59 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

موجودہ حکومت کے پاس کشمیر کے لئے کوئی حکمت عملی نہیں، احسن اقبال

مسلم لیگ (ن) کے سینئر رہنما احسن اقبال نے کہا ہے کہ موجودہ حکومت کے پاس کشمیر کے لئے کوئی حکمت عملی نہیں۔

تفصیلات کے مطابق مسلم لیگ (ن) کے سینئر رہنما احسن اقبال نے پارلیمنٹ ہاؤس کے باہر میڈیا سے گفتگو کرتے ہوئے وزیر خارجہ شاہ محمود قریشی اور وفاقی حکومت کو کشمیر سے متعلق بیان پر تنقید کا نشانہ بنالیا۔

احسن اقبال نے کہا کہ بھارت نے مقبوضہ کشمیر میں بربریت کا نیا دور برپا کر دیا ہے۔

مسلم لیگ (ن) کے سینئر رہنما نے یہ بھی کہا کہ مقبوضہ کشمیر میں مظالم پر آج قومی اسمبلی میں توجہ دلاؤ نوٹس رکھا تھا، افسوس کشمیر سے متعلق پوچھے گئے سوالات کا حکومت نے کوئی جواب نہیں دیا۔

احسن اقبال کا کہنا تھا کہ بتایا جائے بھارت نے 72 برسوں سے جو قدم نہیں اٹھایا وہ اب کیوں اقدام کیا۔

مسلم لیگ (ن) کے سینئر رہنما احسن اقبال کا مزید کہنا تھا کہ 2019 میں قومی اسمبلی نے کشمیرسےمتعلق قرارداد منظور کی تھی، اس قرارداد میں کشمیر پر او آئی سی اجلاس بلانے کا مطالبہ کیا تھا، کشمیر پر قرارداد سے متعلق حکومت نے کچھ نہیں کیا۔