بھارتی بربریت کی وجہ سے خطے کی امن و سلامتی کو خطرہ لاحق ہے، ترجمان دفتر خارجہ

کلثوم ہرا

27th May, 2021. 10:17 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بھارتی بربریت کی وجہ سے خطے کی امن و سلامتی کو خطرہ لاحق ہے، ترجمان دفتر خارجہ

ترجمان دفتر خارجہ زاہد حفیظ چوہدری نے کہا ہے کہ بھارتی بربریت کی وجہ سے خطے کی امن و سلامتی کو خطرہ لاحق ہے۔

تفصیلات کے مطابق ترجمان دفتر خارجہ زاہد حفیظ چوہدری نے بھارتی خارجہ کے بیان پر ردعمل دیتے ہوئے کہا کہ بھارت کشمیری عوام کے حق اور سلامتی کونسل کی قراردادوں سے انحراف کر رہا ہے۔

ترجمان دفتر خارجہ نے بھارتی وزیر خارجہ کے سرحد پار دراندازی کے بیان کو مسترد کر دیا ہے۔

زاہد حفیظ نے کہا کہ بھارت عالمی برادری اور کشمیری عوام سے کیے گئے وعدے کی خلاف ورزی کررہا ہے۔

انہوں نے یہ بھی کہا کہ مقبوضہ کشمیر میں 5 اگست 2019 کے ایک طرفہ اقدامات بین الاقوامی قوانین کی خلاف ورزی ہیں۔

ترجمان دفتر خارجہ کا کہنا تھا کہ مقبوضہ کشمیر میں آزادی کی تحریک بھارتی ریاستی دہشت گردی کے خلاف مقامی کشمیری چلا رہے ہیں، یہ تحریک اس وقت تک جاری رہے گی جب تک کشمیر میں استصواب رائے نہیں کرایا جاتا۔

زاہد حفیظ نے کہا کہ اقوام متحدہ کی قراردادوں کے مطابق مسئلہ کشمیر کے حل تک یہ تحریک چلتی رہے گی۔

ترجمان دفتر خارجہ زاہد حفیظ چوہدری نے مزید کہا کہ 1947 سے بین الاقوامی قوانین کے تحت کشمیر کا مسئلہ تصفیہ طلب ہے، پاکستان کے خلاف ہرزہ سرائی سے بہتر ہے اور بھارت مسئلہ کشمیر کے حل پر توجہ دے۔