پولیو کا خاتمہ ہمارا قومی مقصد اور قومی کوشش ہے، آرمی چیف

وریشہ مسعود

27th May, 2021. 10:47 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پولیو کا خاتمہ ہمارا قومی مقصد اور قومی کوشش ہے، آرمی چیف

آرمی چیف جنرل قمر جاوید باجوہ نے کہا ہے کہ پولیو کا خاتمہ ہمارا قومی مقصد اور قومی کوشش ہے۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ کا بل گیٹس سے ٹیلیفونک رابطہ ہوا۔

آئی ایس پی آر کا کہنا ہے کہ آرمی چیف اور بل گیٹس کے درمیان ٹیلیفونک رابطے میں پاکستان سے پولیو اور کورونا وائرس کے خاتمے سے متعلق امور پر تبادلہ خیال کیا گیا۔

آئی ایس پی آر کا یہ بھی کہنا ہے کہ انسداد پولیو مہم چلانے پر بل گیٹس نے پاک فوج کے کردار کو سراہا۔

آئی ایس پی آر کا کہنا ہے کہ ٹیلیفونک رابطے میں آرمی چیف نے انسداد پولیو مہم میں بل اینڈ ملینڈا گیٹس فاؤنڈیشن کے کردار کی تعریف کی۔

اس موقع پر آرمی چیف جنرل قمر جاوید باجوہ نے کہا کہ انسداد پولیو مہم میں کامیابی کا سہرا پولیو ورکرز کے سر ہے۔

آرمی چیف جنرل قمر جاوید باجوہ نے مزید کہا کہ پولیو کا خاتمہ ہمارا قومی مقصد اور قومی کوشش ہے، ہم تب ہی اسے کامیابی قرار دیں گے جب پاکستان میں ایک بھی بچہ پولیو کا شکار نہ ہو۔