حکومت گرانے کی ہر مہم میں تعاون کیا جائے گا، احسن اقبال

عروبہ خان

30th Sep, 2019. 01:19 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حکومت گرانے کی ہر مہم میں تعاون کیا جائے گا، احسن اقبال

ن لیگی رہنما احسن اقبال نے کہا ہے کہ حکومت گرانے کی ہر مہم میں ہماری جانب سے تعاون کیا جائیگا۔

تفصیلات کے مطابق مسلم لیگ (ن) کی مرکزی مجلس عاملہ کے اجلاس کے بعد رہنماؤں نے پریس کانفرنس کی جس میں احسن اقبال کا کہنا تھا عام انتخابات کی راہ جلد ہموار کرنا ہوگی، ملک کو بند گلی سے نکالنے کیلئے عام انتخابات کرائے جائیں۔

احسن اقبال نے ن لیگ کی جانب سے تجویز پیش کی ہے کہ احتجاجی تحریک کے وقت اور طریقہ کار پر مشاورت ہونی چاہئے اور اے پی سی میں تمام جماعتوں سے مشاورت کرنی چاہئے۔

انہوں نے مزید کہا کہ احتجاج کی مشاورت کیلئے ایک اور کمیٹی بنا دی ہے، ہمارا خیال ہے مارچ کی تاریخ آگے بڑھائی جائے۔

ن لیگی رہنما نے کہا مطالبہ کرتےہیں قومی اسمبلی کااجلاس طلب کیاجائے، وزیر اعظم ایوان کو عالمی رہنماؤں سے ملاقات کے بارے میں آگاہ کریں کہ کس عالمی رہنما نے کشمیر پر ساتھ دینے کی یقین دہانی کرائی ہے۔

احسن اقبال کا کہنا تھا کہ آج اجلاس میں بگڑتی اقتصادی صورتحال پر بڑی بحث ہوئی، ملک میں آزاد اور منصفانہ انتخابات کی راہ ہموار کی جائے، خدشہ ہے ملک ایک سال تک ایسے ہی چلتا رہا تو معیشت نہیں سنبھل پائے گی۔