معروف بھارتی اداکارہ کورونا سے لڑتے زندگی ہار گئیں

اریبہ نثار

04th Jun, 2021. 06:36 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

معروف بھارتی اداکارہ کورونا سے لڑتے زندگی ہار گئیں

بالی وڈ فلم کی اداکارہ رینکو سنگھ نیکمبھ کورونا وائرس سے لڑتے ہوئے زندگی کی بازی ہار گئی ہیں۔

غیر ملکی خبر رساں ادارے کے مطابق بالی وڈ فلم “ڈریم گرل ” میں اہم کردار ادا کرنے والی بھارتی اداکارہ “رینکو سنگھ نیکمبھ” نے بخار کے سبب 25 مئی کو کورونا ٹیسٹ کروایا تھا۔

ٹیسٹ رپورٹ کے مطابق رینکو سنگھ کا کورونا مثبت نکلا تاہم ڈاکٹرز کے مشورے سے انہیں گھر پر ہی قرنطینہ کر دیا گیا۔

لیکن ادویات کے باوجود اداکارہ کے بخار میں کمی نہیں آئی اور پھر انہیں ہسپتال داخل کرنا پڑا۔

کورونا جنرل وارڈ میں علاج معالجے کے باوجود رینکو کی طبیعت سنبھلنے میں نہیں آ رہی تھی جس پر انہیں آئی سی یو منتقل کر دیا گیا مگر “مرض بڑھتا رہا جوں جوں دوا کی ” کے مصداق اداکارہ کی حالت تشویشناک ہو گئی اور وہ آخر کار زندگی کی بازی ہار گئیں۔

اداکارہ کے اہلخانہ کورونا وبا میں مبتلا تھے اور اداکارہ میں بھی انہی سے وائرس منتقل ہوا۔

اداکارہ کے گھر والوں نے بتایا کہ رینکو دمے کے مرض کا بھی شکار تھیں۔