وفاقی وزیر حماد اظہر نے کہا ہے کہ سمندر پار پاکستانی وطن کا اثاثہ ہیں۔

تفصیلات کے مطابق وفاقی وزیر حماد اظہرنے سماجی رابطے کی ویب سائٹ ٹویٹر پر اپنے ایک پیغام میں کہا کہ سمندر پار پاکستانی وطن کا اثاثہ ہیں، اس سال سمندر پار پاکستانیوں کی گھر بھیجی گئی رقوم پاکستان کی کل برآمدات سے زیادہ ہوں گی۔

سمندر پار پاکستانی وطن کا اثاثہ ہیں۔ اس سال سمندر پار پاکستانیوں کی گھر بھیجی گئی رقوم پاکستان کی کل برامدات سے زیادہ ہوں گی۔

نون لیگ کی اکثریت قیادت، کاروبار اور اولاد سمندر پار ہے۔ پھر بھی نون لیگ سمندر پار پاکستانیوں کو ووٹ کے حق دینے کے خلاف عدالت میں پٹیشن دائر کر چکی ہے۔

Advertisement

— Hammad Azhar (@Hammad_Azhar) June 6, 2021

اپنے پیغام میں وفاقی وزیر حماد اظہر نے  مزید کہا کہ ن لیگ کی اکثریت قیادت، کاروبار اور اولاد سمندر پار ہے پھر بھی ن لیگ سمندر پار پاکستانیوں کو ووٹ کا حق دینے کے خلاف عدالت میں پٹیشن دائر کر چکی ہے۔

واضح رہے اس سے قبل وفاقی وزیر حماد اظہر نے میڈیا سے گفتگو کرتے ہوئے کہا تھا کہ گندم، گنے اور مکئی کی بہترین فصل ہوئی ہے جبکہ بیرونی قرضوں میں بھی واضح کمی آئی ہے۔

وفاقی وزیر نے کہا تھا کہ پاکستان کا نیشنل اکاؤنٹس کا جو سسٹم ہے وہ اقوام متحدہ کا سسٹم ہے۔

حماد اظہر نے یہ بھی کہا تھا کہ حکومت کی 26 ایجنسیاں اس میں اپنا ڈیٹا فیڈ کرتی ہیں اور اس کے 24 سب سیکٹرز ہیں جن کی گروتھ کا مکمل ڈیٹا ہمارے پاس موجود ہے۔

وفاقی وزیر حماد اظہر نے مزید کہا تھا کہ ماضی میں ڈیٹا میں جو گڑ بڑ کی جاتی تھی اور جن سیکٹرز کے ذریعے کی جاتی تھی موجودہ حکومت کی گروتھ اُن پر منحصر نہیں ہے۔