امیر جماعت اسلامی سراج الحق نے کہا ہے کہ پی ٹی آئی عوام میں سب سے زیادہ غیر مقبول جماعت بن چکی ہے۔

تفصیلات کے مطابق امیر جماعت اسلامی سراج الحق نے اپنے ایک بیان میں کہا  کہ پی ٹی آئی کے دور میں پارلیمنٹ سمیت ہر ادارہ کمزور ہوا ہے۔

سراج الحق نے کہا کہ جمہوری اداروں کو مضبوط کرنے کے لئے تینوں بڑی سیاسی جماعتوں نے کوئی کردار ادا نہیں کیا۔

انہوں نے یہ بھی کہا کہ مہنگائی اور غربت میں بے پناہ اضافے کی وجہ حکومت کا آئی ایم ایف کی شرائط پر وجہ عملدرآمد ہے۔

 امیر جماعت اسلامی کا کہنا تھا کہ حکومت تمام تر وعدوں اور دعوﺅں کے باوجود عوام کو ریلیف دینے میں ناکام رہی ہے۔

سراج الحق نے کہا کہ آئی ایم ایف کی ڈکٹیشن پر بجٹ میںقوم پر مزید ٹیکس لگیں گے۔

انہوں نے یہ بھی کہا کہ کرپشن ،بدعنوانی اور رشوت کے خاتمہ کے لئے اسلامی تعلیمات کی روشنی میں فیصلے کرنا ہوں گے۔

 سراج الحق نے کہا کہ اسلامو فوبیا مغرب کا کلچر بن چکا ہے۔

انہوں نے یہ بھی کہا کہ مسلمانوں کو آئے دن ظلم و تشدد کا نشانہ بنایا جارہاہے ۔

امیر جماعت اسلامی سراج الحق کا مزید کہنا تھا کہ فلسطینی اور کشمیر کے مسلمانوں کی حالت زار پر عالمی اداروں کی خاموشی مجرمانہ فعل ہے۔