امریکی صدر ڈونلڈ ٹرمپ کے حوالے سے سنسنی خیز انکشاف سامنے آیا ہے جس میں ڈونلڈ ٹرمپ نے تارکین وطن کی ٹانگوں پر گولی چلانے کی تجویزدی۔

امریکی اخبار نیو یارک ٹائمز کے صحافیوں کی کتاب میں اس بات کا انکشاف کیا گیا ہے کہ ٹرمپ نے جنوبی سرحد عبور کرنے سے روکنے کیلیے مہاجرین پر سانپ چھوڑنے، اُن پر گولیاں برسانے اور انہیں کرنٹ لگانے کا مشورہ دیا۔

رپورٹس کے مطابق صدر ٹرمپ نے سرحد پر کرنٹ والی عمارت، کیلوں والی دیوار اور مگر مچھوں سے بھرے گڑھے کھودنے کی بھی تجاویزدیں۔

نیویارک ٹائمز کے دو صحافیوں کی کتاب ’ بارڈر وارز‘ میں مزید انکشاف کیا گیا ہےکہ ٹرمپ نے اپنی انتظامیہ کو علیحدہ سے یہ تجویز دی کہ سیکیورٹی اہلکار میکسیکو کی سرحد سے آنے والے مہاجرین کو روکنے کے لیے ان کی ٹانگوں پر گولیاں ماریں مگر انتظامیہ نے صدر کی اس تجویز کو غیر قانونی قرار دیا۔

برطانوی نشریاتی ادارے کے مطابق وائٹ ہاؤس کی جانب سے اس رپورٹ پر کوئی رد عمل نہیں دیا گیا۔

واضح رہے کہ گزشتہ روز امریکی اخبار نیویارک ٹائمز کا اپنی ایک رپورٹ کا کہنا تھا کہ مقبوضہ کشمیرمیں غصہ اورکشمیریوں کی تکالیف بڑھ رہی ہیں۔

امریکی اخبارنیویارک ٹائمز کی رپورٹ میں کہا گیا تھا کہ مقبوضہ کشمیرمیں بھارتی مظالم کوعالمی میڈیا ہرروزبے نقاب کر رہا ہے، مقبوضہ کشمیرمیں لاک ڈاؤن بطور سزا کیا جارہا ہے۔

امریکی اخبارنیویارک ٹائمز کا کہنا تھا کہ مقبوضہ کشمیر میں زندگی مفلوج ہے، متنازعہ علاقہ تقریباً دو ماہ سے لاک ڈاؤن میں ہے۔

امریکی اخبار کا یہ بھی کہنا تھا کہ بھارتی حکومت جانتی ہے مقبوضہ کشمیرکی خصوصی حیثیت ختم کرنے کا فیصلہ غیرمقبول ہے اور مقبوضہ کشمیرمیں یہ لاک ڈاؤن بطورسزا کیا جارہا ہے۔

نیویارک ٹائمزکی رپورٹ میں یہ بھی کہا گیا کہ بھارتی فوجی لوگوں کوگھروں میں رہنے کا حکم دیتےہیں اورحکم نہ ما ننے کی صورت میں گولی مارنے کی دھمکی دی جاتی ہے۔