پاکستان صبروتحمل اور پرامن بقائے باہمی کی پالیسی پر یقین رکھتا ہے،وزیر خارجہ

ویب ڈیسک

25th Jun, 2019. 12:46 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پاکستان صبروتحمل اور پرامن بقائے باہمی کی پالیسی پر یقین رکھتا ہے،وزیر خارجہ

وزیرخارجہ شاہ محمود قریشی نے کہا ہے کہ پاکستان امن ، صبر و تحمل اور پرامن بقائے باہمی کی پالیسی پر یقین رکھتا ہے۔

برسلز میں یورپی یونین کی سیاسی اور سلامتی کمیٹی سے خطاب کرتے ہوئے وزیر خارجہ شاہ محمود قریشی نے کہا کہ بھارت کے ساتھ امن کے لئے روابط اور اقدامات کی پیشکش، ہماری طرف سے دہشت گردی اورکشمیر سمیت تمام معاملات پر بات چیت پر آمادگی اورافغانستان اور پاکستان ایکشن پلان برائے امن و یکجہتی کو فعال بنانا ہماری خارجہ پالیسی ویژن کے اہم اجزا ہیں جن پر عملدرآمد کیا جارہا ہے۔

وزیر خارجہ نے کہا کہ جموں و کشمیر کا تنازعہ جنوبی ایشیا میں پائیدار قیام امن کی راہ میں واحد بڑی رکاوٹ ہے۔

اجلاس کے بعد میڈیا سے گفتگو کرتے ہوئےانہوں نے کہا میں نہیں سمجھتا کہ پاکستان کسی قسم کی تنہائی کا شکار ہے، یہاں آنا ،اجلاس میں شرکت کرنا اور نیااسٹرٹیجک پلان طےکیاجارہاہے، سارےاقدامات اس بات کےمظہرہیں کہ ہمارےتعلقات بڑھ رہےہیں۔

وزیرخارجہ کا کہنا تھا بھارت ہمیں تنہائی کاشکارکرنا چاہتا ہے مگر آج جو ہوا وہ اس کے برعکس ہے ، اقتصادی چیلنج 10ماہ نہیں کئی دہائیوں کی کوتاہیوں کانتیجہ ہے، دیرپا اقدامات پرجتنی سیاسی جماعتیں ساتھ اوراتفاق رائے بہترہوگا۔