وفاقی وزیر اطلاعات فواد چوہدری نے کہا ہے کہ حکومت کی جانب سے آج ملک کی تاریخ کا سب سے بڑا ترقیاتی بجٹ 900 ارب روپے کااعلان کیا گیا ہے۔

تفصیلات کے مطابق سماجی رابطے کی ویب سائٹ ٹویٹر پر اپنے ایک پیغام میں وفاقی وزیر اطلاعات فواد چوہدری نے بجٹ کو ملکی تاریخ کا سب سے بڑا ترقیاتی بجٹ قرار دے دیا۔

الحمدللہ ملک کی تاریخ کا سب سے بڑا ترقیاتی بجٹ 900 ارب روپے کااعلان کیا گیا ہے، صوبوں کے حصے میں 27 فیصد اضافہ کیا جا رہا ہے جس سے صوبے اپنے ترقیاتی بجٹ میں اضافہ کرسکیں گے، تنخواہوں میں اضافے کے ساتھ ٹیکس میں بھی رعائیتین دی گئ ہیں۔ #Budget2021

— Ch Fawad Hussain (@fawadchaudhry) June 11, 2021

اپنے پیغام میں فواد چوہدری نے بجٹ 2021-22 پر تبصرہ کرتے ہوئے کہا کہ بجٹ میں صوبوں کے حصے میں 27 فیصد اضافہ کیا جا رہا ہے جس سے صوبے اپنے ترقیاتی بجٹ میں اضافہ کرسکیں گے۔

وفاقی وزیر اطلاعات فواد چوہدری نے مزید کہا کہ حکومت نے تنخواہوں میں اضافے کے ساتھ ٹیکس میں بھی رعایتیں دے دی ہیں۔

واضح رہے اس سے قبل بھی وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے جاری کردہ پیغام میں کہا تھا کہ طویل عرصے بعد پاکستان معاشی استحکام کی طرف بڑھ رہا ہے، عوام اوراداروں کا وزیراعظم پر مکمل اعتماد ہے اس لئے سیاسی اور معاشی استحکام ممکن ہوا ہے۔

الحمداللہ پاکستان کے تمام معاشی اعشاریے مثبت ہیں،طویل عرصے بعد پاکستان معاشی استحکام کی طرف بڑھ رہا ہے،عوام اوراداروں کاوزیراعظم پر مکمل اعتماد ہےاس لئے سیاسی اور معاشی استحکام ممکن ہوا،چاہتے ہیں اپوزیشن احتساب کواصلاحات سے علیحدہ دیکھےاورانتخابی اور عدالتی اصلاحات پر بات چیت ہو

Advertisement

— Ch Fawad Hussain (@fawadchaudhry) June 11, 2021

وفاقی وزیر اطلاعات نے مزید کہا تھا کہ چاہتے ہیں کہ اپوزیشن احتساب کواصلاحات سے علیحدہ دیکھےاورانتخابی اور عدالتی اصلاحات پر بات چیت ہو۔