فواد چوہدری بڑی عجیب مخلوق ہیں، سعید غنی

وریشہ مسعود

13th Jun, 2021. 08:32 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

فواد چوہدری بڑی عجیب مخلوق ہیں، سعید غنی

وزیر تعلیم سندھ سعید غنی نے کہا ہے کہ فواد چوہدری بڑی عجیب مخلوق ہیں۔

تفصیلات کے مطابق وزیر تعلیم سندھ سعید غنی نے وفاقی وزیر اطلاعات فواد چوہدری کے بیان پر ردِ عمل دیتے ہوئے کہا کہ فواد چوہدری پہلے بھی سندھ حکومت کو ہٹانے کی بات کرتے رہے ہیں۔

وزیر تعلیم سندھ نے کہا ہے کہ پی ٹی آئی کی مرکز میں مانگے تانگےکی حکومت ہے۔فوادچوہدری اتحادیوں کو حوصلہ دینے کے لئے ایسی باتیں کرتے ہیں۔

سعید غنی نے یہ بھی کہا کہ پیپلز پارٹی کو سیاسی انتقام کا نشانہ بنایا جارہا ہے، سندھ کے عوام وزیراعلیٰ سید مراد علی شاہ کے ساتھ ہیں۔

وزیر تعلیم سندھ کا کہنا تھا کہ ہماری حکومت اپنے ووٹوں پر قائم ہے۔ پاکستان پیپلز پارٹی آئین کی بالادستی، آئین کی بحالی اور پارلیمنٹ کی بالادستی کی بات کرتی ہے۔

سعید غنی کا یہ بھی کہنا تھا کہ پیپلز پارٹی آئین و قانون کے مطابق صوبہ چلارہی ہے جبکہ پنجاب میں بلدیاتی نمائندوں کو فارغ کردیا گیا تو سپریم کورٹ نے بلدیاتی نمائندوں کو بحال کرایا۔

وزیر تعلیم سندھ سعید غنی کا مزید کہنا تھا کہ آئین و قانون کی بات کرنے پر مراد علی شاہ کو پسند نہیں کیا جاتا۔وزیر اعلیٰ سندھ کا اپنے لوگوں کا دفاع کرنا جرم ہے تو وہ یہ جرم کرتے رہیں گے ۔