چیئرمین نیب جسٹس (ر) جاوید اقبال نے کہا ہے کہ نیب کاتعلق صرف اورصرف ریاست پاکستان سے ہے

تفصیلات کے مطابق چیئرمین نیب جسٹس (ر) جاوید اقبال کی زیر صدارت اعلیٰ سطحی اجلاس منعقد ہوا جس میں نیب کی مجموعی کارکردگی کا جائزہ لیا گیا۔

[amazonad category=”Electronics”]

اجلاس کی صدارت کرتے ہوئے جاوید اقبال نے کہا کہ بد عنوانی ملکی ترقی کی راہ میں سب بڑی رکاوٹ ہے۔

چیئرمین نیب نے کہا کہ نیب نےکرپشن فری پاکستان کی منزل کاتعین کیا ہے، نیب کے اٹھائے گئے اقدامات کی وجہ سے بدعنوانی کا خاتمہ پوری قوم کی آواز بن گیا ہے۔

جاوید اقبال نے یہ بھی کہا کہ نیب کا تعلق کسی سیاسی جماعت،گروپ یا فرد سے نہیں، نیب کا تعلق صرف اور صرف ریاست پاکستان سے ہے۔

چیئرمین نیب جسٹس (ر) جاوید اقبال نے مزید کہا کہ نیب ملک اور قوم کی دولت لوٹنے والے بد عنوان عناصر کو قانون کے مطابق منطقی انجام تک پہنچانے کے لئے پر عزم ہے۔

واضح رہے اس سے قبل چیئرمین نیب جسٹس (ر) جاوید اقبال نے کہا تھا کہ نیب کے پاس بد عنوان عناصر کے خلاف اربوں روپے کی منی لانڈرنگ،فیک بینک اکاؤنٹس، آمدن سے زائد اثاثے، اختیارات کا ناجائز استعمال کرتے ہوئے قومی خزانے کو نقصان پہنچانے اور غیر قانونی ہاؤسنگ سوسائٹیز کے ذریعے قوم کے اربوں روپے لوٹنے والوں کے خلاف ٹھوس شواہد موجود ہیں۔

جاوید اقبال نے مزید کہا تھا کہ ملکی ترقی میں تاجر برادری کا کردار انتہائی اہم ہے، نیب کے کسی اقدام سے تاجر برادری کیلئے مشکلات پیدا نہیں ہوئیں۔