صدر مملکت ڈاکٹر عارف علوی نے کہا ہے کہ ووٹ ڈالنے کا حق ملک کے ہر شہری کا بنیادی حق ہے۔

تفصیلات کے مطابق صدر مملکت ڈاکٹر عارف علوی کی زیرِ صدارت انٹرنیٹ ووٹنگ میں ابھرتی ٹیکنالوجیز کی ذیلی کمیٹی کا اجلاس ہوا۔

ڈاکٹر عارف علوی نے کہا کہ انتخابی قوانین میں ترامیم پر الیکشن کمیشن کے تحفظات دور کرنے کی ضرورت ہے، انتخابی عمل  کے نفاذ کے بارے میں حتمی فیصلہ الیکشن کمیشن کرے گا۔

[amazonad category=”Auto”]

صدر مملکت کا کہنا تھا کہ نظام میں موجود کمزوریوں کے باعث عوام کو بنیادی حق سے محروم نہیں کیا جاسکتا، حکومتی ادارے اصلاحاتی عمل شفافیت سے انجام دینے میں الیکشن کمیشن سے تعاون کریں گے۔

ڈاکٹر عارف علوی کا یہ بھی کہنا تھا کہ سپریم کورٹ کی ہدایات کے مطابق 90 لاکھ سمندر پار پاکستانیوں کو ووٹ دینے کے قابل بنانے کی ضرورت ہے۔

صدر مملکت ڈاکٹر عارف علوی کا مزید کہنا تھا کہ سمندر پار پاکستانیوں کیلئے آئی ووٹنگ بارے غلط فہمیاں دور کرنے کیلئے اسٹیک ہولڈرز کے مابین روابط بہتر بنانے کی ضرورت ہے۔

اس موقع پر اعظم خان سواتی نے کہا کہ ماضی میں الیکشن کمیشن کی رضامندی سے الیکشن ایکٹ 2017ء میں 49 ترامیم شامل کی گئیں، متعلقہ اداروں کو انتخابی عمل کی شفافیت اور ساکھ یقینی بنانے کیلئے جاری اصلاحاتی عمل کی حمایت کرنی چاہیے۔