اسماعیل راہو کا کہنا ہے کہ جعلی حکومت گندم کے جعلی اعداد شمار بتا کر قوم کو گمراہ کررہی ہے۔

تفصیلات کے مطابق سندھ کے وزیر زراعت اسماعیل راہو نے اپنے جاری کردہ بیان میں سندھ حکومت کو وفاق کےگندم سے متعلق اعداد شمار کو جعلی قرار دیتے ہوئے کہا ہے کہ وفاقی حکومت کے زرعی شعبے کی ترقی کے دعوے جھوٹ کا پلندہ ہے۔

اسماعیل راہونے سوال پوچھتے ہوئے کہا ہے کہ اگر پنجاب میں گزشتہ سال سے 15 لاکھ ٹن گندم زائد پیدا ہوئی ہے تو آٹا مہنگا کیوں ہوا؟، اگر ملک میں گندم کی ریکارڈ پیداوار ہوئی ہےتو17 جون کو ای سی سی نے30لاکھ ٹن گندم امپورٹ کی اجازت کیوں دی؟

ان کا کہنا ہے کہ حکومتی رکارڈ پیداوار کا اعلان کیا گیا تواقتصادی رابطہ کمیٹی ہی کھول دی، بتایاجائےکہ کس کوفائدہ پہنچا نے کیلئے باہر سے گندم منگوائی جارہی ہے۔

وزیر زراعت برائے سندھ نے حکومت سے سوال کیا کہ وفاق نے پنجاب کے کاشتکاروں سے زبردستی 1800 میں گندم خریدی اور اب 22 سو سے زائد فی من کےحصاب سے منگوارہی ہے یہ فائدہ ملکی کاشتکار کو کیوں نہ دیا گیا؟ نہ آٹا سستا ہوا اور نہ گندم کی درآمد بند ہوئی تو رکارڈ پیدوار کہاں گئی؟

ان کا مزید کہنا ہے کہ وفاقی حکومت جان بوجھ کر ملک میں گندم بحران پیدا کرکے باہرسےمنگواکراے ٹی ایمز مافیہ کو فائدہ پہنچا رہی ہے، نالائق حکمرانوں نے  اپنی غلط پالیسیوں سے انڈسٹری کے ساتھ ساتھ اس ملک کےکسانوں کابھی دیوالیہ نکال دیا ہے۔