پاکستان شوبز انڈسٹری کی اداکارہ مریم نفیس نے پیسوں کے عوض ملاقات کی پیش کش کرنے والے شخص کو منہ توڑ جواب دے دیا۔

مریم نفیس نے 27 جون کو انسٹاگرام پر ’فہد خان‘ نامی لڑکے کے انسٹاگرام اکاؤنٹ کی جانب سے ملنے والے ذاتی پیغام کا اسکرین شاٹ شیئر کر دیا ہے۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by مریم نفیس (@mariyam.nafees)

Advertisement

فہد خان نامی شخص کی جانب سے مریم نفیس کو بھجوائے گئے مختصر پیغام میں اداکارہ کو پیش کش کی گئی تھی کہ وہ بیرون ملک سے آنے والے ایک شخص سے چند گھنٹوں تک ملاقات کریں تو انہیں 3 لاکھ روپے تک کی رقم دی جائے گی۔

پیغام میں اداکارہ کو بیرون ملک سے آنے والے شخص کا نام نہیں بتایا گیا اور نہ ہی کوئی غلط مطالبہ کیا گیا، بس پیسوں کے عوض ملاقات کے لیے رضامندی پوچھی گئی۔

اداکارہ نے مذکورہ پیغام پر کوئی جواب دیے بغیر اسے انسٹاگرام پر شیئر کرتے ہوئے سخت برہمی کا اظہار کیا۔

 اداکارہ نے  ایسے پیغامات بھجوانے والے افراد پر واضح کیا کہ ’اداکارائیں جسم فروش نہیں ہوتیں‘۔

مریم نفیس نے اسکرین شاٹ شیئر کرتے ہوئے کیپشن میں لکھا کہ ’ایک بار پھر‘۔

اداکارہ نے لکھا کہ انہیں سمجھ نہیں آتا کہ ایسے لوگوں کو کون ایسی ہدایات دیتا ہے اور وہ کیوں اداکاراؤں کو ایسا سمجھتے ہیں۔

مریم نفیس نے لکھا کہ وہ اور ان کی دیگر ساتھی اداکارائیں تعلیم یافتہ خاندان سے تعلق رکھتی ہیں اور وہ سب شوبز کی فیلڈ میں اپنا نام بنانے کے لیے محنت کر رہی ہیں۔

اداکارہ نے بتایا کہ وہ اور دوسری اداکارائیں محنت کے لیے 12 گھنٹے اور بعض اوقات اس سے بھی زیادہ وقت تک کام کرتی ہیں مگر بعض لوگ انہیں ذہنی اضطراب میں مبتلا کرنے کے لیے غلط پیغامات بھجواتے ہیں۔

مریم نفیس نے لکھا کہ وہ اور ان کی دیگر ساتھی اداکارائیں پیسوں کے عوض ملاقات کی پیش کش کرنے والی ذہنیت کو مسترد کرتی ہیں اور انہیں ایسی ذہنیت سے نفرت ہے۔

یاد رہے کہ یہ پہلا موقع نہیں ہے کہ مریم نفیس کو پیسوں کے عوض ملاقات کی پیش کش کی گئی ہو اور انہوں نے اس طرح سخت رد عمل دیا ہو۔

اس سے قبل گزشتہ برس مارچ میں بھی اداکارہ نے پیسوں کے عوض ملاقات کی پیش کش کرنے والے شخص کے پیغامات کے اسکرین شاٹ شیئر کرتے ہوئے برہمی کا اظہار کیا تھا۔