قومی کرکٹرز کے سینٹرل کنٹریکٹ کی مدت آج ختم ہوگئی ہے ، لیکن اب تک نئے کنٹریکٹس کی پیشکش نہیں ہوئی ہے۔
پی سی بی کی تفصیلات کے مطابق نئے سینٹرل کنٹریکٹ 22-2021 کی مدت یکم جولائی سے شروع ہوگی۔
پی سی بی ذرائع کا کہنا ہے کہ قومی کرکٹرز کے سنٹرل کنٹریکٹ کا معاملہ حتمی مراحل میں ہے ، کچھ کھلاڑیوں کے ناموں اور بعض کی فٹنس پر بھی بات چیت جاری ہے۔
رواں ہفتے کے اختتام یا اگلے ہفتے کے شروع میں ناموں کا اعلان کر دیا جائے گا۔
ذرائع کا کہنا ہے کہ انگلینڈ میں ٹریننگ کے دوران کھلاڑیوں کی فٹنس کا جائزہ بھی لیا جارہا ہے اور قومی کرکٹرز کے اس حوالے سے فٹنس ٹیسٹ بھی جاری ہیں۔
Advertisement
نئے کنٹریکٹ میں کئی کھلاڑیوں کی ترقی اور کئی کی تنزلی بھی ہوگی۔
واضح رہے کہ حسن علی اور فہیم اشرف کو کنٹریکٹ میں دوبارہ جگہ مل سکتی ہے جبکہ صہیب مقصود اور شاہنواز داھانی کے نام بھی کنٹریکٹ کے لیے زیرغور ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
