ایسٹ زون پولیس نے یکم جنوری 2018 سے لے کر آج تک معاشرے میں پھیلے ہوئے ناسور گٹکا، ماوا اور مین پوری کے خلاف بھرپور کارروائی کی۔

ترجمان ڈی آئی جی پی ایسٹ زون کے مطابق کارروائی میں پولیس کے افسران کی ذاتی دلچسپی اور لگن کے باعث بڑی مقدار میں مہلک گٹکا، ماوا اور مین پوری کو نہ صرف ضبط کیا گیا بلکہ اس مذموم کاروبار میں ملوث افراد اور ان کے سرپرستوں کے خلاف بھی بھرپور کاروائی عمل میں لائی گئی۔

ایسٹ زون پولیس نے مجموعی طور پر 2380 مقدمے درج کیے گئے 3055 ملزمان کو گرفتار کیا گیا 107973(ایک لاکھ سات ہزار نو سو تہتر) کلوگرام گٹکا ماوا, اور مین پوری برآمد کرتے ہوئے 164 فیکٹریاں بھی پکڑی گئی ایسٹ زون پولیس نے اس سلسلے میں اس مذموم کاروبار میں ملوث افراد کے خلاف تعزیرات پاکستان کی دفعB)- 336) کے تحت کیس رجسٹر کئے جن کو متعلقہ عدالتوں نے حذف کرکے کیس 269 -270 تعزیرات پاکستان کے تحت چالان قبول کرتے ہوئے ملوث ملزمان کو معمولی جرمانے اور سزائیں دیں۔

اس تمام کارروائی کا نوٹس لیتے ہوئے سندھ ہائیکورٹ نے ایسٹ زون پولیس کی کارکردگی کو سراہتے ہوئے ان تمام مقدمات میں تعزیرات پاکستان کی دفعہ J -337 کے تحت پولیس کو اس کاروبار میں ملوث افراد کے خلاف کارروائی کرنے کا حکم دیتے ہوئے متعلقہ عدالتوں کو کیس دفعہ- J 337 میں چالان قبول کرنے کا بھی حکم دیا۔