محلات میں رہنے والے کس طرز پر اپنی زندگیاں گزارتے ہیں اور انکی کیا خاصیت ان کو عام عوام سے الگ بناتی ہے۔

بہت طویل المدت چھان بین کے بعد ہمیں ملکہ الزبتھ کی چند عجیب و غریب عادتوں کے حوالے سے معلوم ہوا ہے جو کہ وہ عام طرز زندگی میں اپنانے کی قائل ہیں۔

سفر کے دوران خون کی بوتل ساتھ رکھنا:

ملکہ الزبتھ جب بھی باہر نکلتی ہیں خاص طور پر بیرونِ ملک سفر میں ملکہ کے ساتھ ایک ڈاکٹر خون کی کچھ بوتلیں ساتھ لے کر چلتا ہے۔ ڈاکٹر اور خون کی بوتلیں سفر میں ساتھ لے جانے کا مقصد یہ ہوتا ہے کہ اگر ملکہ کو کوئی حادثہ پیش آجائے تو ڈاکٹر فوری طور پر انھیں طبی امداد دے سکے۔

برف کے گولے استعمال کرنا:

 ملکہ کو آئس کیوبز بالکل نہیں پسند بلکہ کیوبز کے بجائے ملکہ اپنے مشروبات میں برف کے گولے ڈال کر پیتی ہیں کیونکہ ملکہ کا کہنا ہے کہ مشروب میں کیوبز ڈالنے کی آواز بہت بری ہوتی ہے جبکہ برف کے گولے ڈالنے کی آواز خوبصورت ہوتی ہے۔

محل کی کھڑکیاں بند رکھنا:

شاہی محل کی کھڑکیاں بھی بند رکھی جاتی ہیں کیونکہ ملکہ کے خیال میں شاہی محل بند کھڑکیوں کے ساتھ پرکشش لگتا ہے۔

لباس پر نمبروں کا اندراج:

ملکہ کے تمام جوڑوں کو باقاعدہ نمبر دیا گیا ہے تاکہ رجسٹر میں یہ درج کرنے میں آسانی ہو کہ ملکہ نے کس تقریب میں کون سا لباس پہنا تھا۔

[amazonad category=”Mobile”]