آزاد کشمیر کے صدر مسعود خان نے کہا ہے کہ بھارت نےمقبوضہ کشمیرکوقبرستان بنادیا، بھارتی مظالم پر دنیاخاموش ہے۔

تفصیلات کے مطابق اسلام آباد کی نیشنل ڈیفنس یونیورسٹی کےزیراہتمام کشمیرسیمینار منعقد کیا گیا جس میں صدر آزاد کشمیر نے خطاب کرتے ہوئے کہا کہ کشمیرپاکستان اوربھارت کےمابین دوطرفہ مسئلہ نہیں بلکہ کشمیری بھی اس کے فریق ہیں۔

اپنے خطاب میں کشمیرپاکستان اوربھارت کےمابین دوطرفہ مسئلہ نہیں بلکہ کشمیری بھی اس کے فریق ہیں۔

 کشمیرکی صورتحال پرسلامتی کونسل کا کردارمایوس کن ہےجبکہ پاک فوج نے آزاد کشمیر کا دفاع کیا جس پر اُن کے شکر گزار ہیں۔

مسعود خان کا کہنا تھا کہ آزاد کشمیر کے صدر کا یہ بھی کہنا تھا کہ بھارت کشمیروں کے مابین اختلافات پیدا کر کے انہیں پاکستان کے خلاف کرنا چاہتا ہےتاکہ تحریک آزادی کو کمزور کرسکے۔

آزاد کشمیر کے صدر مسعود خان کا مزید کہنا تھا کہ کشمیر کا مسئلہ شہداء کی قربانیوں اور پاکستان کی ثابت قدمی کےباعث زندہ ہے۔

صدرآزادکشمیرنے کشمیر کی حریت قیادت کو شاندارالفاظ میں خراج تحسین پیش کرتے ہوئے کہا کہ ’’مقبوضہ کشمیرمیں حریت کی شمع جلانےوالےقائدین عظیم ہیں، آزادکشمیرکادفاع کرنےپرپاک فوج کےمشکورہیں‘‘۔

یاد رہے کہ مقبوضہ کشمیر میں بھارتی جبری تسلط کو آج 65 واں روز ہے، کشمیری عوام بدترین قیدیوں کی زندگی گزارنے پر مجبور ہیں۔جبکہ ہیومن رائٹس واچ  نے مقبوضہ کشمیر میں لاک ڈاؤن ختم کرنے کا مطالبہ  کردیا ہے۔

مقبو ضہ وادی میں قابض بھارتی فوج ظلم کے پہاڑ توڑ رہی ہے، نہتے کشمیری 65روزسے گھروں میں قید ہیں،بھارتی سپریم کورٹ کے حکم کے باوجود مقبوضہ وادی میں آج بھی نظام زندگی مفلوج ہے۔

بازار اور دکانیں بند ہونے سے گھروں میں کھانے پینے کی اشیا کا بحران سنگین ہوگیا، کشمیری پیٹ بھر کر کھانے سے محروم ہوگئے، بچے بھی دودھ کے لیے بلکنے لگے، بھارت نے اپنا مکروہ چہرہ بےنقاب ہونے سے بچنے کیلئے انٹرنیٹ، فون اور موبائل سروس بند کررکھی ہے۔