میری رگوں میں کشمیری باپ اور ماں کا خون ہے، مریم نواز

وریشہ مسعود

08th Jul, 2021. 08:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

میری رگوں میں کشمیری باپ اور ماں کا خون ہے، مریم نواز

مسلم لیگ ن کی نائب صدر مریم نواز نے کہا ہے کہ میری رگوں میں کشمیری باپ اور ماں کا خون ہے۔

تفصیلات کے مطابق مسلم لیگ ن کی نائب صدر مریم نواز نے مظفر آباد میں انتخابی مہم کے سلسلے میں جلسے سے خطاب کرتے ہوئے کہا کہ مظفر آباد کی محبت بار بار یہاں کھینچ کر لے آتی ہے۔

مریم نواز نے کہا کہ عمران خان کی صورت میں 3 سال سے عذاب مسلط ہے۔

[amazonad category=”Auto”]

مسلم لیگ ن کی نائب صدر نے یہ بھی کہا کہ دہشتگردی نے پاکستان میں پھر سر اٹھا لیا ہے، ملک میں 73 سال میں اتنی بربادی نہیں ہوئی جتنی 3 سال میں ہوئی۔

مریم نواز کا کہنا تھا کہ عمران خان نے کشمیر کےلیے دو منٹ کی خاموشی اختیار کرنےکا کہا تھا، آج تک خاموشی اختیار کیے بیٹھے ہیں۔

مسلم لیگ ن کی نائب صدر نے اپنے خطاب میں وزیراعظم کو مخاطب کرتے ہوئے کہا کہ عمران خان نے کشمیر کو بھارت کی جھولی میں پھینک دیا ہے۔

مریم نواز نے کہا کہ عمران خان جانتے تھے کہ کشمیر کی بیٹی اگر کشمیر کا مقدمہ لے کر مظفرآباد پہنچ گئی تو اس کو منہ چھپانے کا موقع نہیں ملے گا۔

مسلم لیگ ن کی نائب صدر مریم نوازنے مزید کہا کہ ڈسکہ کے الیکشن میں ان لوگوں نے ووٹ چوری کیا تھا، اگر الیکشن چوری ہوا تو ہم لوگ چپ نہیں بیٹھیں گے۔