بول نیوز نے اسٹنگ آپریشن کےذریعے پولیس اورمخبروں کا گٹھ جوڑبے نقاب کردیا۔

تفصیلات کے مطابق کراچی میں پولیس مخبروں کےذریعے شہریوں سےتاوان بٹورنے لگی،تھانہ کورنگی انڈسٹریل ایریا کی چوکیاں جرائم کا گڑھ بن گئیں۔

بول نیوز نے کالی وردی میں چھپی کالی بھیڑوں کا پول کھولتے ہوئے تھانہ کورنگی انڈسٹریل ایریا کی چوکیوں میں  کالے کرتوت بے نقاب کرنے کیلئے اسٹنگ آپریشن کیا۔

بول نیوز کے مطابق اسٹنگ آپریشن کے وقت پولیس کی وردی میں جعلی اہلکاربن کر لوٹ مار کی جارہی تھی اور پولیس مخبروں کےذریعےشہریوں سےتاوان بٹوررہی تھی۔

بول نیوز کی تفتیش کے مطابق کالے دھندے میں ملوث مجرم جو کہ چوکی انچارج سراج خٹک کا فرنٹ مین ہے۔

تفتیش کے مطابق مخبرذاکرجرائم پیشہ ہے اور اسے پولیس چوکی ناصر کالونی کی پوری سرپرستی حاصل ہے۔

ذرائع کے مطابق ملزم ذاکر کو غریبوں سے پیسے بٹورنے کا ٹاسک دیا گیا تھا اورپولیس کا مخبر ذاکرنے نابینا مزدور کوبھی نہیں بخشا اور اس محنت کش سے بھی 65ہزار روپے بھتہ وصول کئے۔

واضح رہے اس سے قبل بھی بول نیوز نے کامیاب اسٹنگ آپریشن کرتے ہوئے کالی وردی میں چھپے بھیڑیوں کو بے نقاب کیا تھا ، بول نیوز کے اسٹنگ آپریشن کے بعد اینٹی کرپشن پولیس حرکت میں آگئی تھی اور شہری سے بھتہ طلب کرنے والا اہلکار حمید عرف نیاز کو گرفتار کرلیا گیا تھا۔

اینٹی انکروچمنٹ پولیس نے اسٹنگ آپریشن میں رشوت خوری کا کچا چٹھا کھول کررکھ دیا تھا۔

واضح رہے کہ پولیس،اہلکاروں نےمجید کالونی میں گھرکی تعمیرغیرقانونی قراردیکراہلکاروں نے2لاکھ رشوت مانگی جبکہ شہری اورپولیس اہلکاروں کےدرمیان  توڑجوڑکےبعد  60 ہزارمیں معاملہ طےپایا تھا۔