چین میں دنیا کے سب سے بڑے اور خوبصورت ڈیزائن کے حامل فلکیاتی میوزیم کا افتتاح ہوگیا ہے۔

غیر ملکی خبر رساں ادارے کے مطابق اس کا بیرونی ڈیزائن پیچیدہ خمیدہ اشکال میں ڈھالا گیا ہے جو کائناتی جیومیٹری کو ظاہر کرتا ہے، مرکزی عمارت کو اوپر سے دیکھا جائے تو اوپر تلے تین دائرہ نما ساختیں موجود ہیں جو کہ سیاروں اور ان کے مدار کو ظاہر کرتی ہیں۔

[amazonad category=”Mobile”]

میوزیم کل 420,000 مربع فٹ پر پھیلا ہوا ہے جس میں کئی کمروں پر مشتمل نمائشی ، ڈسپلے، سیارہ گاہ ، ایک رصدگاہ اور 78 فٹ بلند شمسی دوربین بھی نصب ہے۔

اس کا ڈیزائن امریکی فرم نے بنایا ہے جسے 2014 کا ڈیزائن ایوارڈ  بھی مل چکا ہے۔ اس طرح یہ عمارت مکمل طور پرفلکیاتی تصورات کو واضح کرتی ہے۔

اس کے مرکزی دروازے میں روشنی کا ایک دائرہ ہے جو موسم اور دن کے وقت کو ظاہر کرتا ہے، اس میں سے روشنی فرش پرپڑتی ہے اور سارا دن ایک سے دوسرے مقام تک منتقل ہوتی رہتی ہے اور اس طرح یہ ایک دھوپ گھڑی کا کام کرتی ہے۔

اس سے آگے پلانیٹیریئم کی مرکزی عمارت ہے اوراس کا ڈیزائن چاند کی طرح گول ہے اور یوں لگتا ہے کہ جیسے چاند طلوع ہورہا ہے۔

اس کے نیچے بے وزنی دکھائی گئی ہے جس کے نیچے سے لوگ گزر سکتے ہیں ،اس کے آگے شیشے سے بنا الٹا گنبد ہے جہاں رات کو بیٹھ کر آسمان کا نظارہ کیا جاسکتا ہے۔