روس :سرکس کے دوران ریچھ نے حملہ کر دیا

کلثوم ہرا

18th Jul, 2021. 11:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

روس :سرکس کے دوران ریچھ نے حملہ کر دیا

روس میں سرکس کے دوران ریچھ نے خاتون ٹرینر پر حملہ کر دیا۔

روسی میڈیا کے مطابق یہ واقعہ کیمروو ریجن میں پیش آیا جہاں سرکس کے دوران ایک ریچھ کو غصہ آ ‏گیا اور اچانک اس نے خاتون ٹرینر پر حملہ کر دیا۔

عینی شاہدین کا کہنا ہے کہ سرکس میں کرتب دکھانے والے فنکاروں کو اس وقت غیرمعمولی ‏صورتحال کا سامنا کرنا پڑا جب ریچھ بے قابو ہو گیا۔

ریچھ نے سب سے پہلے خاتون ٹرینر کو فرش پر گرا دیا اور پھر اس کے پنجے مارے لیکن خوش ‏قسمتی سے اچانک ریچھ نے اپنا رخُ بدل دیا اور ٹرینر کو چھوڑ کر دوسرے ریچھ کی طرف چلا گیا۔

اسی دوران دیگر فنکار بھی اسٹیج پر آگئے اور خاتون ٹرینر کو جلدی سے اٹھا کر ریچھ کی پہنچ ‏سے دور کر دیا۔

ریچھ کے حملے میں خاتون ٹرینر سمیت دیگر فنکاروں کو زخم آئے ہیں تاہم ان سب کی حالت خطرے ‏سے باہر ہے۔