عمر شریف کی جائیداد سے متعلق تنازعہ، سندھ ہائیکورٹ سے رجوع کرلیا گیا

عروبہ خان

19th Jul, 2021. 03:41 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

عمر شریف کی جائیداد سے متعلق تنازعہ، سندھ ہائیکورٹ سے رجوع کرلیا گیا

کنگ آف کامیڈین عمر شریف کی جائیداد سے متعلق تنازعہ کھڑا ہوگیا جس کے بعد انہوں نے سندھ ہائی کورٹ سے رجوع کرلیا ہے۔

تفصیلات کے مطابق عمر شریف نے جائیداد کو تیسری بیوی کے نام کرنے کے تنازعے پر سندھ ہائی کورٹ میں درخواست دائر کردی ہے۔

عمر شریف کے وکیل کا اس تنازعے کے حوالے سے کہنا تھا کہ عمر شریف شدید علیل ہیں، انہیں بھولنے کی بیماری لاحق ہوگئی ہے اور اسی دوران ان کی تیسری بیوی زرین غزل نے دسمبر 2020 میں انہیں خوفزدہ کرکے اپارٹمنٹ اپنے نام کرلیا تھا۔

وکیل نے بتایا کہ عمر شریف نے 2016 میں بینک سے قرضہ لے کر عسکری فور میں اپارٹمنٹ خریدا تھا اور اب خدشہ ہے کہ عمر شریف کی تیسری اہلیہ گیارہ کروڑ روپے کا اپارٹمنٹ فروخت کرنا چاہتی ہیں تاہم اسے کالعدم قرار دیا جائے۔

بعدازاں عدالت نے عمر شریف کی تیسری اہلیہ زرین غزل کو اپارٹمنٹ فروخت کرنے سے روک دیا ہے۔

عدالت نے عمر شریف کی جانب سے دائر سول سوٹ پر فریقین کو نوٹسز جاری کرتے ہوئے فریقین سے 10 اگست کو جواب طلب کرلیا ہے۔