وزیراعلیٰ پنجاب سردار عثمان بزدار نے کہا ہے کہ عوام کے جان و مال کی حفاظت پر کوئی سمجھوتہ نہیں ہوگا۔
تفصیلات کے مطابق وزیراعلیٰ پنجاب سردار عثمان بزدار نے عید الاضحیٰ پر عوام کے جان و مال کے تحفظ کیلئے فول پروف سکیورٹی انتظامات کی ہدایت کرتے ہوئے کہا کہ نماز عید کے اجتماعات کی سکیورٹی کو ہر قیمت پر یقینی بنایا جائے۔
وزیراعلیٰ پنجاب نے کہا کہ مویشی منڈیوں میں صفائی کے انتظامات کو یقینی بنایا جائے، خلاف ورزی کرنے والوں کے خلاف قانون کے مطابق کارروائی عمل میں لائی جائے۔
سردار عثمان بزدار نے یہ بھی کہا کہ مویشی منڈیوں کے اردگرد ٹریفک رواں دواں رکھنے کیلئے خصوصی انتظامات کئے جائیں، مویشی منڈیوں میں ایس او پیز کی خلاف ورزی قطعاً برداشت نہیں کی جائے گی۔
وزیراعلیٰ پنجاب سردار عثمان بزدار نے مزید کہا کہ ون ویلنگ کی روک تھام کیلئے خصوصی ٹیمیں تشکیل دی جائیں، عوام کے جان و مال کے تحفظ کیلئے کئے گئے انتظامات پر کوئی سمجھوتہ نہیں ہوگا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
