وزیراعلیٰ خیبر پختونخوا محمود خان نے کہا ہے کہ عوامی خدمات میں کسی بھی قسم کی کوتاہی برداشت نہیں کی جائے گی۔
تفصیلات کے مطابق وزیراعلیٰ خیبر پختونخوا محمود خان نے عید کے دن بھی بغیر پروٹوکول پشاور کے مختلف علاقوں کا اچانک دورہ کیا جہاں انہوں نے بارش کے بعد کی صورتحال، صفائی اور سیکیورٹی کا جائزہ لیا۔
وزیراعلیٰ خیبر پختونخوا محمود خان نے دلہ ذاک روڈ اور ملحقہ علاقوں میں صفائی اور نکاسی آب کی ابتر صورتحال پر برہمی کا اظہار کرتے ہوئے ڈبلیو ایس ایس پی کے ایریا انچارچ کو معطل کردیا۔
محمود خان نے ڈپٹی کمشنر پشاور کو فوری طور شہر بھر کی صفائی و نکاسی آب کے انتظامات کرنے کے احکامات دیے جبکہ صوبائی وزیر بلدیات کو تمام ٹی ایم ایز سے اقدامات مزید تیز کرنے کی بھی ہدایت کی۔
اس موقع محمود خان نے کہا کہ تمام ادارے شام تک شہر بھر کی صفائی اور نکاسی آب کو یقینی بنائیں، عوامی خدمات میں کسی بھی قسم کی کوتاہی برداشت نہیں کی جائے گی۔
Advertisement
وزیراعلیٰ خیبر پختونخوا محمود خان نے مزید کہا کہ عوام عید میں کورونا ایس او پیز کا خیال رکھیں اور عملہ صفائی کے ساتھ تعاون کریں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
