اداکار سلمان خان کی وجہ سے بالی ووڈ کیریئر آسانی سے شروع ہوا، ہمیش ریشمیا

کلثوم ہرا

24th Jul, 2021. 12:50 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اداکار سلمان خان کی وجہ سے بالی ووڈ کیریئر آسانی سے شروع ہوا، ہمیش ریشمیا

بالی ووڈ کے معروف کمپوزر، اداکار اور رئیلٹی شو جج ہمیش ریشمیا کا کہنا ہے کہ بالی ووڈ سپر اسٹار سلمان خان اور ان کے خاندان کی وجہ سے ان کا بالی ووڈ کیریئر باآسانی شروع ہوا۔

انھوں نے اس حوالے سے ایک مرتبہ کہا تھا کہ بالی ووڈ میں صورتحال اپنے حق میں کرنے کے لئے آپ کو کسی ایک کیمپ سے جڑنا یا تعلق رکھنا ہوتا ہے، اس سے آپ باآسانی وہاں آگے بڑھ سکتے ہیں۔

اس سلسلے میں انھوں نے سلمان خان اور ان کے خاندان کی مدد کو سراہا، اور کہا کہ اس مدد کی وجہ سے انھیں زیادہ جدوجہد نہیں کرنی پڑی۔

انھوں نے پہلی کامیابی اس وقت حاصل کی جب 1998 میں دو گیت ’پیار کیا تو ڈرنا کیا‘ کے لئے کمپوز کیے۔

ہمیش نے سلمان خان کے ساتھ کافی پروجیکٹس کیے جن میں تیرے نام، میں نے پیار کیوں کیا اور باڈی گارڈ شامل ہیں۔

واضح رہے کہ انھیں سلمان خان نے ہی بالی ووڈ میں بطور کمپوزر متعارف کروایا تھا۔