کورونا وائرس کی لمبے عرصے تک جاری تباہیوں کے بعد سائنسدانوں اور ماہرین کی انتھک محنت کے صلے میں کورونا ویکسین  کو عملی جامہ پہنایا گیا تھا۔

کورونا ویکسین کو عملی شکل دینے کے بعد اسے مختلف مراحل سے گزارا گیا جس کے بعد اسے انسانوں کی جان بچانے کے لئے استعمال کیا جانے لگا تھا اور یہ عمل اب بھی جاری ہے۔

دنیا کی مختلف لیبارٹریز میں مختلف تجربوں کے بعد کچھ ویکسینز بنائی گئی ہیں جس کے استعمال سے انسان کی قوت مدافعت میں اضافہ ہوجاتا ہے اور اس وائرس سے طویل عرصے تک لڑنے کی طاقت بھی بڑھ جاتی ہے۔

ویکسینیشن اور اس سے بننے والی اینٹی باڈیز پر ماہرین کی جانب سے کی جانے والی تحقیق سے معلوم ہوا ہے کہ کونسی ویکسین کس مدت تک قابل عمل رہتی ہے۔

اس تحقیق میں  فائزر ویکسین لگوانے والے 45 ہزار افراد کی خدمات حاصل کی گئیں ہیں اور یہ دریافت کیا گیا کہ 2 خوراکوں کے بعد بتدریج 2 ماہ تک لوگوں کورونا وائرس کیخلاف 96 فیصد تک تحفظ ملا ، اس کے بعد ہر 2 ماہ میں ویکسین کی افادیت میں کمی آتی رہی اور بتدریج 6 ماہ بعد ویکسین کی افادیت گھٹ کر 84 فیصد تک آ گئی۔