چئیرمین ایف بی آرشبرزیدی نے افغان ٹرانزٹ اشیا کی مد میں فیس اور شرائط پر عمل نہ کرنیوالی انشورنش کمپنیوں کو تنبئیہ جاری کردی ہے۔

تفصیلات کے مطابق سماجی رابطے کی ویب سائٹ ٹوئٹرپرچئیرمین ایف بی آرشبرزیدی نے اپنے ایک ٹوئٹ میں کہا کہ ایف بی آر کے مشاہد میں یہ بات آئی ہے کہ کچھ انشورنس کمپنیاں افغان ٹرنزٹ اشیاٗ کی مد میں نہ تو فیس کی شرائط کو مان رہی ہیں اور نہ ہی گارنٹیز کے حوالے سے شرائط پر عمل پیرا ہیں۔

https://twitter.com/ShabarZaidi/status/1183717392100347904

ایف بی آر کے چئیرمین شبرزیدی کا کہنا تھا کہ ایسی تمام کمپنیوں کو متنبہ کیا جاتا ہے کہ وہ اپنے تمام نظام کو فوری طور پر بہتر کرلیں بصورت دیگر انکے خلاف تادیبی کاروائی عمل میں لائی جائیگی۔

واضح رہے کہ اس سے قبل کراچی میں مینجمنٹ ایسوسی ایشن آف پاکستان میں منعقدہ  سیمینار سے خطاب میں چئیرمین ایف بی آر شبر زیدی  نے کہا تھا کہ ٹیکس اداکرنیوالے کو اجازت ہے کہ وہ فارن کرنسی اکاؤنٹ کھول سکتے  ہیں۔ 120ارب ڈالررکی خطیر رقم بیرونِ ملک غیر قانونی طریقے سے رکھی گئی ہے۔

چیئر مین ایف بی آر شبر زیدی کا کہنا تھا کہ اب وقت آگیا ہے کہ ہم اپنے پیروں پر کھڑے ہوں اور ملکی معاشی صورتحال سے ہمیں نمٹنا ہوگا۔

شبر زیدی کا یہ بھی کہنا تھا کہ ٹیکس ادا کرنیوالے شہریوں کوپیسوں کی منتقلی میں سہولت ہونی چاہیے۔ بدقسمتی سے ماضی میں ایسا کوئی نظام نہیں تھا جس میں کوئی شخص رقم کا بڑا حصہ اندرون اوربیرون ملک قانونی طریقے سے بھیج سکے۔