تحریک انصاف کے رکن سندھ اسمبلی اور ترجمان پی ٹی آئی جمال صدیقی نے کہا کہ کورونا وائرس سے زیادہ سندھ حکومت صوبے میں ایک خطرناک وائرس ہے۔

تفصیلات کےمطابق تحریک انصاف کے رکن سندھ اسمبلی  اور ترجمان پی ٹی آئی جمال صدیقی نے مرتضیٰ وہاب کی پریس کانفرنس پر ردعمل دیتے ہوئے کہا کہ لاک ڈاؤن سے متعلق سندھ حکومت نے این سی او سی کی ہدایت نظرانداز کرکے خود اپنا تماشا بنایا ہے۔

 ترجمان پی ٹی آئی جمال صدیقی نے کہا کہ سندھ حکومت کو چاہیے کے ویکسینیشن کا عمل صوبائی اراکین کے حلقوں سے شروع کرے، انتظامیہ اور سندھ حکومت اراکین کے حلقہ جات میں ویکسینیشن کیلئے اقدامات کرانے چاہیے۔

انہوں نے کہا کہ ویکسینیشن مراکز میں عوامی رش کی وجہ سے کرونا کیسز میں اضافہ ہورہا ہے،  وباء سے بچاؤ کیلئے سندھ حکومت اور اپوزیشن جماعتوں کو متحد ہونا ہوگا۔

اس کے علاوہ ترجمان پی ٹی آئی جمال صدیقی نے کہا کہ مرتضیٰ وہاب کو صحیح اصلاح و مشورہ دینے والے لوگ منافقین نظر آتے ہیں،  ہر فیصلے میں جلد بازی کرنے والے سیاسی نابالغوں اور کم عقلوں کی پہچان ہے۔

ان کا کہنا تھا کہ سندھ حکومت عوامی خدمت کیلئے اراکین سے باہمی مشاورت کرے۔

تحریک انصاف کے رکن سندھ اسمبلی  اور ترجمان پی ٹی آئی جمال صدیقی کا مزید کہنا تھا کہ سندھ حکومت ہر گندھ کیچڑ وفاق پر ڈالنے سے پہلے اپنی ناقص پالیسیوں پر نظر ڈالا کرے۔