بے نامی جائیدادوں کے خلاف آرڈیننس تیار کرلیا گیا ہے ،شبرزیدی

غلام مرتضی

15th Oct, 2019. 06:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بے نامی جائیدادوں کے خلاف آرڈیننس تیار کرلیا گیا ہے ،شبرزیدی

چیئرمین ایف بی آرشبر زیدی نے کہا ہے کہ بے نامی جائیدادوں کے خلاف کارروائی کے لیے آرڈیننس تیار کیا گیا ہے۔

تفصیلات کے مطابق چیئرمین ایف بی آرشبر زیدی نے اپنے ایک بیان میں کہا ہے کہ بے نامی قانون میں کوئی بڑی تبدیلی نہیں کر رہے، کارروائی کو تیز کرنے کے لیے آرڈیننس لایا جائے گا۔

شبرزیدی کا کہنا تھا کہ آئی ایم ایف ٹیم کے ساتھ مذکرات جاری ہیں، آئی ایم ایف کو ٹیکس محصولات پر مطمئن کرلیں گے۔

چیئرمین ایف بی آرشبر زیدی کا مزید کہنا تھا کہ تاجروں کے ساتھ کوئی ڈیڈ لاک نہیں ہے، تاجربرادری کے ساتھ مذکرات جاری ہیں اور کاروبار میں آسانی کے لیے اقدامات کیے جا رہے ہیں۔

واضح رہے کہ گزشتہ روز سماجی رابطے کی ویب سائٹ ٹوئٹرپرچئیرمین ایف بی آرشبرزیدی نے اپنے ایک ٹوئٹ میں افغان ٹرانزٹ اشیا کی مد میں فیس اور شرائط پر عمل نہ کرنیوالی انشورنش کمپنیوں کو تنبئیہ جاری کردی ہے۔

چئیرمین ایف بی آرشبرزیدی نے اپنے ٹوئٹر کے پیغام میں کہا کہ ایف بی آر کے مشاہد میں یہ بات آئی ہے کہ کچھ انشورنس کمپنیاں افغان ٹرنزٹ اشیاٗ کی مد میں نہ تو فیس کی شرائط کو مان رہی ہیں اور نہ ہی گارنٹیز کے حوالے سے شرائط پر عمل پیرا ہیں۔

ایف بی آر کے چئیرمین شبرزیدی کا کہنا تھا کہ ایسی تمام کمپنیوں کو متنبہ کیا جاتا ہے کہ وہ اپنے تمام نظام کو فوری طور پر بہتر کرلیں بصورت دیگر انکے خلاف تادیبی کاروائی عمل میں لائی جائیگی۔