ٹیکنالوجی کی مدد سے انسان کی زندگی ہر روز آسان سے آسان تر ہوتی جارہی ہے۔

ہر شعبہ زندگی میں اب ٹیکنالوجی کا استعمال کیا جاتا ہے اسی لئے جو کام  کبھی گھنٹوں میں ہوتا  تھا وہ اب کچھ ہی دیر میں مکمل ہوجاتا ہے۔

پہلے انسان کے لئے کسی نئی جگہ پر سفر کرنا مشکل ہوتا تھا کیونکہ نئی جگہ کے راستوں کا معلوم نہیں ہوتا تھا لیکن اب بہت سی ایسی ٹیکنالوجیز آگئی ہیں جس کی مدد  انسان کا سفر کافی حد تک آسان ہوجاتا ہے۔

ایسی ایپلیکیشن بھی موجود ہیں جن کا استعمال راستوں کی معلومات کے لئے کیا جاتا ہے۔

پیک پوائنٹ ایپلی کیشن

ٹریول بیگ اور ٹریول لوازمات تیار کرنے میں مدد کے لئے یہ ایپلی کیشن صارفین کو انتہائی اہم اشیاء کی مکمل فہرست فراہم کرتی ہے۔

گلوبل شارک ٹریکر ایپ

یہ ایپلی کیشن دنیا کے نقشے کے ذریعے ساحلوں میں شارک کے حملوں کے مقامات کا پتہ لگاتی ہے جو اس جگہ آپ کی موجودگی کا تعین کرتی ہے۔

ایپلی کیشن سمندر میں موجود کسی بھی شارک کے ٹھکانے کو بھی دکھاتی ہے اور  اگر ان میں سے کوئی ایک منٹ سے بھی کم  وفقے پر ہو تو صارف کو خبردار کرتی ہے۔

QSun ایپلی کیشن

یہ ایپلی کیشن آپ کو سورج کی روشنی اور وٹامن ڈی کے فوائد حاصل کرنے میں مدد دیتی ہے، جبکہ صحت مند جلد کے لیے آپ کے جسم کو سورج کے سامنے لانے کے لئے صحیح وقت بتاتی ہے اور تیز دھوپ اور اس کی نقصان دہ UV شعاعوں سے بچاتی ہے۔

ٹائڈز نیئر می ایپ

یہ ایپلی کیشن ساحلی علاقوں میں لہروں کے اوقات اور ان کے وقوع پذیر ہونے کی پیش گوئی کرنے میں مدد دیتی ہے، جبکہ بڑی لہروں کے بارے میں بھی انتباہ دیتی ہے جو تیراکوں کی زندگی کے لئے خطرے کا باعث بن سکتی ہیں۔