خاتون کے ساتھ نازیبہ حرکات کرنے والے ایک اور شخص کی ویڈیو وائرل ہوگئی ہے۔

تفصیلات کے مطابق سوشل میڈیا پر ایک اور ویڈیو زیر گردش ہے جس میں دیکھا جا سکتا ہے کہ بائیک پر ایک خاتوں ایک کم عمر لڑکے کے ساتھ جارہی ہیں۔

ویڈیو میں جسے ہی بائیک رکی ایک نوجوان جو کہ ہرے رنگ کی شرٹ پہنا ہوا ہے آکر اسی بائیک پر بیٹھنے کی کوشش کر رہا ہے جس پر وہ خاتون بائیک سے اتر جاتی ہیں۔

لڑکے کی اس حرکت پر وہ بائیک بھی گر گئی، یہ دو تین لڑکوں کا گروہ معلوم ہورہا ہے جوکہ باجا بجارہے ہیں اور خوش ہو رہے ہیں۔

وہ نوجوان پھر دوبارہ آکر خاتوں کو اٹھا کر گھوما رہا ہے لیکن روڈ پر کھڑا کوئی بھی شخص اسے کچھ نہیں کہہ رہا۔

اس ویڈیو کو دیکھ کے لگ رہا ہے کہ یہ بھی 14  اگست کی ہے ۔

خیال رہے کہ گذشتہ روز سوشل میڈیا پر وائرل ہونے والی ایک ویڈیو میں دیکھا جاسکتا ہے کہ ایک شاہراہ پر نوجوان ہلڑ بازی کر رہے ہیں اور اسی دوران چنگچی رکشے میں جانے والی ایک لڑکی کو نوجوان رکشے میں چڑھ کر زبردستی بوسہ دیکر فرار ہوتا ہے اور لڑکی ہکا بکا رہ جاتی ہے۔

خیال رہے کہ لاہور میں 14 اگست کو گریٹر اقبال پارک میں بھی منچلوں نے ایک خاتون سے بدتمیزی کی ،کپڑے پھاڑ ڈالے اور اسے ہوا میں اچھالتے رہے، اس واقعے میں بھی اب تک 66 افراد کو گرفتار کیا جاچکا ہے۔